Diskutimi publik i buxhetit mbi prioritetet për investimet kapitale për vitin 2025 në kuadër të Kornizës afatmesme buxhetore 2025-2027 u mbajt sot në sallën e Kuvendit të Komunës së Graçanicës në kuadër të takimit me përfaqësues të institucioneve shëndetësore.
Takimit me përfaqësuesit e Komunës së Graçanicës përgjigjur drejtorët e shtëpive të shëndetit, Fushë Kosovë, Gushterica e Poshtme dhe Prishtina.
Draftbuxhetin për vitin e ardhshëm, si dhe projeksionin e Kornizës afatmesme buxhetore 2025-2027 e prezantoi drejtori për Buxhet dhe Financa, Sllavisha Niçiq.
Ai tha se buxheti për vitin e ardhshëm krahasuar me këtë vit është rritur për 10.77 % ose 967 mijë euro dhe se përmes këtyre diskutimeve për buxhetin publik, komuna po mundohet të mbledh sa më shumë sugjerime nga qytetarët për investime prioritare në projekte infrastrukturore kapitale, në mënyrë që ato të përfshihen në buxhetin e planifikimit për vitin e ardhshëm.
Drejtoresha e Drejtorisë Komunale për Shëndetësi dhe Mirëqenien Sociale, Zorica Milliq, i njoftoi të pranishmit se për investime kapitale nga drejtoria që ajo menaxhon për vitin e ardhshëm janë ndarë 307.052 euro.
Drejtori i Shtëpisë së shëndit në Gushtericën e Poshtme, Sasha Mlladenoviq, theksoi rëndësinë e sigurimit të autoambulancës, ndërsa drejtori i Shtëpisë së shëndetit në Uglar, Jordan Petroviq, theksoi nevojën për sigurimin e një automjeti të specializuar për dializë që do t’i transportonte pacientët në Mitrovicë për dializë në një mënyrë më të besueshme dhe të sigurt për shëndetin e tyre. Ai shtoi se Shtëpia e shëndetit në Uglar ka nevojë edhe për riparimin e kulmit, i cili është dëmtuar nga era dhe moti i keq.
Të dy drejtorët kërkuan bashkërisht ndërtimin e tendave për automjetet ekzistuese sanitarë.
Natasha Miriq, drejtoreshë e Shtëpisë së shëndetit të Prishtinës, ka kërkuar ndihmë nga Komuna e Graçanicës për pajisjen e ordinancës stomatologjike.
Sot nga ora 18:00 do të mbahet diskutimi i katërt publik në Lepinë në shkollën fillore “Vuk Karaxhiq” për banorët e Radevës, Lepinës, Skullanit, Suhadollit, Lagjes së Re dhe Hashanëve, si dhe për përfaqësuesit e këshillave lokale të këtyre vendeve.
