Dje janë mbajtur edhe dy diskutime publike për buxhetin e Komunës së Graçanicës për vitin 2025 dhe KAB 2025-2027. Diskutimi u mbajt me banorët e Dobrotinit, Livagjës, Gushtericës së Epërme dhe të Poshtme në Shtëpinë e kulturës në Gushtericën e Poshtme dhe me fermerët në sallën e Kuvendit të Komunës së Graçanicës.
Në të dy diskutime buxhetin e prezantoi drejtori i Drejtorisë për Buxhet dhe Financa, Sllavisha Niçiq, ndërsa të pranishëm ishin edhe drejtorët e drejtorive tjera komunale.
Niçiq edhe një herë ka ripërsëritur se buxheti i Komunës për vitin 2025 është 9,953,000 euro, prej të cilave 3,328,000 euro janë ndarë për investimet kapitale, që është 33.45% e buxhetit të përgjithshëm.
Të gjithë të pranishmit patën mundësinë t´i japin sugjerimet apo propozimet e tyre për projektet infrastrukturore në vendet e tyre.
Banorët e Gushtericës së Poshtme kërkuan rehabilitimin e rrjetit të kanalizimit dhe pastrimin e shtratit të lumit, ndërrimin e rrjetit të ujit, asfaltimin dhe rindërtimin e rrugëve, zgjerimin e varrezave të fshatit, ndërtimin e rrethojës rreth Shtëpisë së shëndetit, ndërtimin e trotuarit për në Shkollën fillore, si dhe një shteg këmbësorësh për në Livagjë me ndriçim publik. Ata theksuan restaurimin e shkollës së vjetër në qendër të fshatit dhe ndërtimin e Qendrës teknike të shkollës së mesme.
Banorët e Livagjës theksuan pastrimin e shtratit të lumit dhe rikonstruktimin urgjent të rrjetit të ujërave të zeza.
Përfaqësuesi i Dobrotinit, Bojan Rashiq, tha se kërkesat e tyre i kanë dërguar me shkrim në Komunë prandaj nuk i sqaroi më gjerësisht. Ndërsa banori i këtij fshati, Radovan Gaçiq, ka theksuar problemin e kamionëve nga gurthyesi që kalojnë pranë shtëpisë së tij dhe krijojnë shumë pluhur. Ai ka kërkuar që kjo rrugë të asfaltohet dhe të zgjerohet edhe më shumë për të reduktuar këtë problem.
Banorët e Gushtericës së Epërme kërkuan zgjerimin e këndit të lojërave në oborrin e shkollës fillore, ndërtimin e qendrës kulturore, vendosjen e ndriçimit publik të munguar dhe ndërrimin e shtyllave elektrike, zhvendosjen e nënstacionit nga oborri i fshatit. kishës, pastaj rehabilitimin e parqeve, rehabilitimin e rrugëve deri te pronat dhe shpimin e puseve. U kërkua ndërtimi i parkingut pranë varrezave të fshatit dhe ndërtimi i kapellës.
Diskutimi publik në orët e mëngjesit është mbajtur edhe me fermerët në sallën e Kuvendit të Komunës së Graçanicës.
Të pranishmit kërkuan rritjen e buxhetit për bujqësi, rehabilitimin dhe mbushjen e rrugëve që të çojnë në ara dhe për shkak të thatësirës kërkuan shpimin e puseve përmes të cilave do të kryhet ujitja.
