Komuna e Graçanicës i ka gëzuar nxënësit e klasave të ulëta të Shkollës fillore “Sveti Sava” në Sushicë me inventar të ri – banka dhe karrige. Me këtë rast shkollën e vizitoi kryetarja e Komunës së Graçanicës, prof. dr. Ljiljana Shubariq dhe drejtoresha e Arsimit, Brankica Niqiq.
Tri klasa janë të pajisura plotësisht me inventar të ri. Nxënësve dhe drejtorit të Shkollës fillore “Sveti Sava”, Millan Dimitrijeviq, zyrtarisht iu dorëzuan 35 banka dhe karrige.
Kryetarja e Komunës së Graçanicës, prof.dr. Ljiljana Shubariq, theksoi se qeverisja lokale vazhdimisht e ndihmon sistemin arsimor me qëllim të ofrimit të kushteve më të mira të punës dhe modernizimit të shkollave.
“Besoj se bankat dhe karriget e reja jo vetëm që do t’i bëjnë klasat të duken më të mira, por do t’i bëjnë fëmijët shumë të lumtur dhe gjithashtu jam e sigurt se do ta bëjnë mësimin dhe punën më të lehtë dhe më të suksesshme. Komuna, si edhe më parë, do t’i mbështesë shkollat në përputhje me mundësitë e saj dhe do të përpiqet t’u ofrojë kushte sa më të mira”, tha kryetarja Shubariq.
Inventari është siguruar përmes Drejtorisë së Arsimit dhe Kulturës, ku ishte e pranishme edhe drejtoresha Brankica Niqiq.
Kryetarja Shubariq dhe drejtoresha Niqiq ua uruan atyre edhe një herë fillimin e vitit të ri shkollor si dhe që ata të jenë të mirë, punëtorë dhe të suksesshëm.
Drejtori i ShF “Sveti Sava”, Millan Dimitrijeviq, falënderoi për ndihmën dhe mbështetjen e vazhdueshme të qeverisjes lokale, duke theksuar se “çdo gjë që bëhet për çdo shkollë do të thotë shumë”.
Në fillim të vitit shkollor, Komuna e Graçanicës ka shpërndarë çanta shpine me mjete shkollore për shumë nxënës.
