Komuna e Graçanicës filloi, me mbështetjen e UNMIK-ut, realizimin e fazës së dytë të projektit “Bëhu partneri im për mirëqenien” me ndarjen e pajisjeve të reja dhe materialeve për punë Shoqatës së grave “Avenija” me qëllim të fuqizimit të grave nga komunitetet e cenueshme pakicë.
Sot pajisjet për gratë e Shoqatës “Avenija” janë dorëzuar nga këshilltari për komunitete në Komunën e Gaçanicës, Sasha Daniq dhe përfaqësuesit e Organizatës “Advancing Together”, e cila realizon projektin me mbështetjen e UNMIK-ut. Në këtë ngjarje mori pjesë edhe drejtori i Drejtorisë së Administratës në Komunën e Graçanicës, Dragisha Stojanoviq.
Materiali për punë dhe dy makina qepëse të destinuara për gratë nga komunitetet e cenueshme siç janë gratë rome, gratë egjiptiane dhe pjesëtaret e komunitetit ashkali, të cilat do të punojnë në hapësirat e “Avenisë”, por të gjitha anëtaret e kësaj shoqate do të mund t’i përdorin pajisjet për ta përmirësuar prodhimin.
Sasha Daniq, këshilltar i kryetares së Komunës së Graçanicës për komunitete, tha se kjo është faza e dytë e projektit “Bëhu partneri im për mirëqenien”, të cilin komuna e realizon me UNMKI-un përmes organizatës “Advancing Together”.
“Dorëzimi i sotëm i pajisjeve te Shoqata “Avenija” për gratë nga komunitetet pakicë është vazhdimësi e bashkëpunimit shumë të suksesshëm që kemi me UNMIK-un përmes këtij projekti. Duke ofruar pajisje të nevojshme për punë, siç janë makinat qepëse dhe materialet e punës, ne synojmë që gratë nga komunitetet pakicë, veçanërisht nga komuniteti rom, ashkali dhe egjiptian, ta përmirësojnë aftësitë e tyre dhe të bëhen më konkurruese në treg. Programe të tilla kanë efekte të gjera pozitive dhe mund të ndryshojnë përgjithmonë jetën e grave dhe komuniteteve të tyre”, tha Daniq dhe me atë rast përfaqësuesve të organizatës “Avancing Together” u dhuroi një certifikatë mirënjohjeje për bashkëpunimin e suksesshëm me Komunën e Graçanicës.
Kryetarja e Shoqatës së grave afariste “Avenija”, Gordana Gjoriq, e falënderoi Komunën e Graçanicës, UNMIK-un dhe organizatën “Advancing Together” për ndihmën e tyre.
“Ne besojmë se kjo është një nga mënyrat e mira që gratë të vetëpunësohen dhe të sigurojnë të ardhura të sigurta për familjen e tyre. Ne e kemi ndjekur punën e tyre për dy vjet dhe ato kanë bërë përparim të madh në punën e tyre dhe është e nevojshme që tani t’u sigurohen makina më profesionale. Ato morën makina për përdorim shtëpiak, por tani janë trajnuar për pajisje më moderne dhe profesionale. Besoj se do të gjenden organizatat që do t’i ndihmojnë në këtë”, tha Gordana.
Komuna e Graçanicës është një nga pesë komunat që janë pjesë e këtij projekti.
Në fazën e parë të projektit, Shtëpisë së kulturës në Kishnicë iu nda një projektor dhe sistem zanor, parku aty u pajis me stola të rinj, pajisje informatike iu ndanë Qendrës së romëve në Graçanicë, ndërsa IT- pajisje sportive dhe mobilie i është dorëzuar Qendrës arsimore të romëve në Preoc dhe janë pastruar disa deponi ilegale.
