Organizata turistike e Graçanicës, në bashkëpunim me NPK “Ekologjia”, shpall konkurs për “Oborrin më të bukur të Komunës së Graçanicës”. Të gjithë qytetarët e interesuar mund të aplikojnë nëpërmjet faqes së FB-ut ose Instagramit të OTG-së, email-it konkurs.tog@gmail.com ose drejtpërdrejt në zyrat e OTG-së gjatë ditëve të javës nga ora 10:00 deri në orën 14:00.
Të gjithë qytetarët e interesuar duhet t´i paraqesin fotot e oborreve ose ballkoneve të tyre, si dhe emrin e mbiemrin, adresën, vendndodhjen dhe numrin e telefonit të kontaktit. Konkursi për oborrin më të bukur në Komunën e Graçanicës është i hapur deri më 31.08.2025.
Pas afatit të fundit për aplikim, organizatorët do t´i kontaktojnë aplikantët dhe do t´i njoftojnë për vizitat e tyre dhe fotografimin e oborreve e ballkoneve të tyre, ku pastaj Komisioni i përbashkët i OTG-së, NPK “Ekologjia” dhe një përfaqësues i Komunës së Graçanicës do të vendosë për fituesin përfundimtar.
Pronarët e oborrit dhe ballkonit më të bukur, sipas vlerësimit të komisionit, do të shpërblehen me pajisje për hortikulturë apo fidanë për nevojat e mirëmbajtjes dhe zbukurimit të oborrit më 21.09.2025 në kuadër të ngjarjes “Ditët e Komunës së Graçanicës” dhe fushatës botërore “Le ta pastrojmë Botën”.
Qëllimi i këtij aktiviteti është ngritja e ndërgjegjës së popullatës lokale për rëndësinë e mirëmbajtjes së mjedisit.
