Kryetarja e Komunës së Graçanicës, Ljiljana Shubariq dhe drejtoresha e Shëndetësisë, Zorica Milliq, i dhuruan Shtëpisë së shëndetit në Graçanicë një donacion në formën e një sterilizuesi dhe një otomani.
Me këtë rast, kryetarja Shubariq theksoi se shëndetësia është prioritet si dhe se Komuna e Graçanicës me këtë donacion dëshiron t´i ndihmojë institucionet shëndetësore që ato të punojnë në kushte më të mira, ndërsa pacientët t´i marrin shërbimet më cilësore.
“Sigurisht që Komuna do të vazhdojë të investojë në shëndetësi dhe modernizimin e pajisjeve mjekësore”, theksoi Shubariq.
Drejtoresha e Shëndetësisë, Zorica Milliq, e theksoi rëndësinë e pajisjeve për punën e përditshme. “Sterilizuesi dhe otomani do ta lehtësojnë punën e stafit mjekësor dhe do ta bëjnë më të lehtë punën me pacientët”.
Drejtoresha e Shtëpisë së shëndetit, dr. Mirjana Dimitrijeviq, falënderoi për pajisjet e dhuruara, duke theksuar se ky është një shembull tjetër i bashkëpunimit të mirë midis qeverisjes lokale dhe këtij institucioni shëndetësor.
