Në Komunën e Graçanicës po vazhdojnë punimet në përmirësimin e ndriçimit publik në kuadër të projektit afatgjatë “Instalimi i ndriçimit publik dhe zëvendësimi i llambave ekzistuese me llamba LED”.
Me këtë projekt, siç bëhet e ditur nga Drejtoria e Shërbimeve Publike, Komuna e Graçanicës synon ta modernizojë infrastrukturën e saj, ndërsa instalimi i ndriçimit LED është një hap i rëndësishëm drejt efikasitetit të energjisë.
Ndriçimi i ri u vendos në rrugën “Dositejeva” në Graçanicë, pastaj në Gushtericën e Poshtme në rrugën “Peshkopi Niqifor”, në Gushtericën e Epërme në rrugën “Sushinë”, si dhe në rrugën “Knez Mihajllo” në Sushicë.
Përveç kësaj, u krye edhe zëvëndësimi i ndriçimit në parkun e Llapllasellës, duke e bërë këtë hapësirë më të sigurt dhe më të këndshme për vizitorët.
Organet kompetente të komunës theksojnë se qëllimi i projektit është përmirësimi i sigurisë, ulja e konsumit të energjisë elektrike dhe përmirësimi i cilësisë së jetës së banorëve. Me instalimin e llambave LED arrihet efikasiteti më i madh dhe kursimet afatgjata, si dhe ndriçimi më i mirë të hapësirave publike.
Punimet, siç bëhet e ditur, do të vazhdojnë në pjesët e tjera të Komunës së Graçanicës në periudhën e ardhshme.
