Në mbledhje u miratua procesverbali nga mbledhja e tretë e rregullt e mbajtur më datën 04.06.2026.
Zyrtarja e Stacionit të policisë së Graçanicës, Svetllana Kapetanoviq, u paraqiti anëtarëve të Komitetit raportin statistikor për situatën e sigurisë në territorin e Komunës së Graçanicës dhe paralajmëroi rritjen e numrit të rasteve të dhunës në familje.
“Situata e përgjithshme e sigurisë në Komunën e Graçanicës është e mirë. Në qershor, regjistruam shtatë raste të dhunës në familje, 11 raste të lëndimeve të lehta trupore, dy vjedhje, shtatë arrestime, 18 aksidente trafiku dhe 208 gjoba trafiku. Në gjashtë muajt e mëparshëm, regjistruam 24 raste të dhunës në familje, gjë që është shumë shqetësuese dhe gjithashtu patëm 30 vjedhje në të njëjtën periudhë”, tha Kapetnoviq, duke i bërë thirrje Komunës së Graçanicës që ta përmirësojë sinjalistikën e trafikut dhe t’i bëjë kalimet për këmbësorë më të dukshme në vendet dhe rrugët ku do të ketë një qarkullim më të madh të fëmijëve me fillimin e vitit shkollor, të cilat, siç tha ajo, janë kryesisht shkolla dhe terrene sportive”, tha Kapetnoviq.
Në mbledhje u shqyrtua edhe kërkesa për propozimin e komunitetit rom për infrastrukturën. Në emër të drejtorit të Drejtorisë Komunale të Shërbimeve Publike, Marko Arsiq, në mbledhje mori pjesë zyrtari Glligorije Stojanoviq, i cili tha se në periudhën e ardhshme do të punohet në riparimin e problemit të rrjetit të kanalizimit në lagjen rome, ku komuna ka ndërhyrë disa herë.
Ai paralajmëroi gjithashtu se përparësi do të jetë riparimi i rrjetit të kanalizimit që derdhen në lumin Graçanka në disa vende. Ai u bëri thirrje qytetarëve të jenë më të ndërgjegjshëm lidhur me asgjësimin e mbeturinave komunale.
Drejtoria Komunale e Shërbimeve Publike mbetet e hapur për qytetarët e Komunës së Graçanicës të të gjitha komuniteteve, ndërsa Stojanoviq bën me dije gjithashtu se të gjitha problemet komunale do të zgjidhen në përputhje me buxhetin dhe prioritetet.
Përfaqësuesit e KFOR-it dhe të UNMIK-ut morën pjesë në mbledhje.
