Në fillim të mbledhjes, të pranishmit e kanë miratuar procesverbalin nga mbledhja e katërt, e mbajtur më datën 26 qershor të këtij viti.
Këshilltarët pastaj e kanë miratuar propozim-vendimin për shpalljen e parcelave nr. 801 dhe 803, të cilat gjenden në zonën kadastrale Sushicë, si zonë me interes të përgjithshëm publik. Nëpërmjet këtyre parcelave duhet të kalojë një pjesë e rrugës Badovci i Ri – Sushicë.
Në këtë mbledhje është miratuar edhe propozim-vendimi për ndarjen e tokës komunale (5 arë) familjes së kthyer në shfrytëzim afatgjatë pa procedurë të konkurimit për të ndërtuar një shtëpi.
Këshilltarët për pikën e katërt të rendit të ditës folën për problemet e komuniteteve të tyre.
Në sallën e Kuvendit Komunal të Graçanicës u mbajt mbledhja e pestë e Komitetit për Komunitete.
