Në Graçanicë ka vazhduar asfaltimi i rrugëve në bazë të një projekti afatgjatë. Banorët e rrugës “Dositejeva” fituan një asfalt të ri. Shtegu i këmbësorëve do të rregullohet në ditët në vijim.
Rruga “Dositejeva” në Graçanicë në një gjatësi prej 330 metrash është asfaltuar në kuadër të projektit “Rindërtimi dhe asfaltimi i rrugëve lokale”.
Rruga, e cila u bë shumë e ngarkuar me ndërtimin e kopshtit të ri “Gjurgjevak” dhe objektit banesor me 36 banesa, ishte në gjendje të keqe, ndërsa asfaltimi i kryer nga Drejtoria Komunale për Urbanizëm dhe Planifikim Hapësinor tani e ka lehtësuar komunikimin në trafik, gjë që ka kontribuar edhe për siguri më të madhe.
Siç njoftojnë nga kjo drejtori komunale, në ditët në vijim do të punohet në ndërtimin e shtegut për këmbësorë përgjatë rrugës “Dositejeva”, ndërsa paralelisht do të vazhdojë asfaltimi i rrugëve lokale edhe në vende të tjera në territorin e Komunës së Graçanicës.
