Komuna e Graçanicës sot i ka furnizuar me çanta shpine dhe mjete shkollore nxënësit nga klasa e parë deri në të katërtën të Shkollës fillore “Knez Llazar” në Livagjë. Shkollën e vizitoi kryetarja e Komunës së Graçanicës, prof.dr. Ljiljana Shubariq dhe drejtori i Drejtorisë së Administratës, Dragisha Stojanoviq.
Komuna e Graçanicës ka siguruar çanta shpine dhe mjete shkollore për 34 nxënësit e klasës së Shkollës fillore “Knez Llazar” në Livagjë. Fëmijëve në ditën e parë të vitit të ri shkollor iu dorëzuan çanta shpine.
“Vitin e kaluar, në ditën e parë të vitit të ri shkollor, i gëzuam fëmijët në Sushicë. Këtë vit janë të vegjlit në Livagjë. Sigurisht që nuk i kemi harruar fëmijët e grupeve të ndjeshme shoqërore dhe në ditët në vijim do të shpërndajmë më shumë çanta shpine me mjete shkollore. Ne po përpiqemi t’ua ulim koston e fillimit të shkollimit prindërve dhe t’i bëjmë të gjithë fëmijët të lumtur dhe shpresoj t’ia kemi dalë. Edhe një herë ju uroj të gjithë nxënësve, mësimdhënësve dhe prindërve një vit shkollor të mbarë, të suksesshëm dhe të sigurt”, tha kryetarja Shubariq.
Drejtori i Shkollës fillore “Knez Llazar”, Dragan Maksimoviq, tha se kjo shkollë e mirëpriti vitin e ri shkollor dhe e falënderoi Komunën e Graçanicës për dhuratat dhe investimet e vazhdueshme.
