Delegacioni i Ambasadës së Japonisë, i kryesuar nga ambasadori Ryuta Mizuuchi, ka vizituar sot Komunën e Graçanicës. Ata diskutuan për çështje aktuale me kryetaren e Komunës së Graçanicës, prof. dr. Ljiljana Shubariq dhe këshilltarin për komunitete, Sasha Daniq.
Ambasadori japonez Mizuuchi ka diskutuar me delegacionin e Komunës së Graçanicës për sfidat e sigurisë që e shoqërojnë situatën e përgjithshme politike dhe sociale.
Kryetarja e Komunës së Graçanicës, prof.dr. Ljiljana Shubariq, i njohu mysafirët me punën e Komunës së Graçanicës si dhe me të gjitha projektet dhe aktivitetet që qeverisja lokale i realizon me qëllim të përmirësimit të jetës së të gjitha komuniteteve në territorin e Komunës së Graçanicës.
Ambasadori japonez Muzuuchi, selia e të cilit është në Vjenë, së bashku me të dërguarin e ambasadorit japonez, Keisukia Yamanaka, biseduan me kryetaren dhe këshilltarin për komunitete për mundësitë e bashkëpunimit të mëtejshëm përmes pjesëmarrjes së Komunës së Graçanicës në projektet e ardhshme të Qeverisë japoneze.
Kjo është vizita e dytë e zyrtarëve japonezë në Komunën e Graçanicës në dy muajt e fundit.
