Me qëllim të përmirësimit të kushteve të punës dhe stërvitjes, katër organizata sportive morën pajisje dhe rekuizita të nevojshme sportive nga Komuna e Graçanicës. Qeverisja lokale dëshiron të investojë në zhvillimin e sportit dhe rinisë, tha kryetarja Shubariq.
Kryetarja e Komunës së Graçanicës, prof.dr. Ljiljana Shubariq, së bashku me drejtorin e Drejtorisë për Rini dhe Sport, Dushan Cvejiq, ia dorëzuan pajisjet dhe rekuizitat Klubit të kikboksit “Shakall”, Shkollës së tenisit, Qendrës së fitnesit dhe Shoqatës së personave me aftësi të kufizuara.
“Ne ua siguruam atyre gjithçka që kanë kërkuar dhe mendoj se janë të kënaqur. Pra, ne u siguruam atyre gjithçka të nevojshme. Falë pajisjeve dhe rekuizitave, trajnerët dhe të gjithë ata që stërviten këtu do të kenë me çfarë të punojnë dhe t’i kryejnë të gjitha aktivitetet e tyre në mënyrë adekuate. Synimi ynë, qëllimi i qeverisjes lokale është që çdo fëmijë të merret me sport dhe ne përpiqemi t’i mbështesim të gjitha shkollat dhe shoqatat sportive”, tha kryetarja Shubariq.
Kryetarja theksoi se “kjo është dëshmi se komuna dëshiron të investojë në sport dhe zhvillim të rinisë”, dhe përkujtoi se qeverisja lokale në të kaluarën i ka ndihmuar klubet dhe organizatat sportive me pajisje dhe rekuizita të ndryshme sportive dhe do të vazhdojë ta bëj këtë.
Sllobodan Stanisavljeviq, menaxher i Klubit të kikboksit “Shakall”, tha se pajisjet dhe rekuizitat do të kenë shumë rëndësi për ta dhe në emër të të gjithë përfituesve falënderoi për mbështetjen e vazhdueshme.
“Kemi marrë pajisjet e nevojshme për stërvitje. Konkretisht, kemi 12 vite këtu dhe kemi bashkëpunimin më të mirë me Komunën e Graçanicës dhe Drejtorinë për Rini dhe Sport. Falë atij bashkëpunimi dhe përkrahjeje, kushtet tona janë duke u përmirësuar, kurse trajnimet po përmirësohen”, tha Stanisavljeviq.
Pajisjet dhe rekuizitat sportive u ndanë klubeve dhe organizatave në Pallatin e sporteve në Llapllasellë dhe u siguruan përmes programit Vera argëtuese e kulturore 2024.
