Diskutimet publike me qytetarët mbi prioritetet e investimeve kapitale brenda Kornizës afatmesme buxhetore 2026-2028 u mbajtën në Kishnicë dhe Lepinë. Drejtorët e drejtorive komunale ua prezantuan planet banorëve dhe i dëgjuan sugjerimet e tyre me qëllim që mjetet të investohen sa më efikasisht të jetë e mundur.
Drejtori i Drejtorisë Komunale të Financave, Sllavisha Niçiq, i informoi banorët rreth detajeve të buxhetit të Komunës së Graçanicës, pas së cilës drejtorët e drejtorive komunale i dëgjuan propozimet e banorëve dhe premtuan që do të ndihmojnë në përputhje me mjetet dhe mundësitë në dispozicion.
Diskutimi publik në Kishnicë u mbajt për banorët e Kishnicës, Sushicës, Badovcit të Ri, si dhe për anëtarët e Këshillave lokale nga komunitetet jo-shumicë, ndërsa diskutimi publik i buxhetit në Lepinë u mbajt në shkollën fillore lokale për banorët e Radevës, Lepinës, Skullanit, Suhadollit, Hashanëve, Lagjes së Re, si dhe për anëtarët e Këshillave lokale të këtyre vendeve. Nesër, më 12 gusht 2025, diskutimi publik mbi prioritetet për investimet kapitale brenda Kornizës afatmesme buxhetore 2026-2028 do të mbahet nga ora 11:00 në sallën e Kuvendit Komunal të Graçanicës me përfaqësuesit e institucioneve shëndetësore nga territori i Komunës së Graçanicës, ndërsa diskutimi do të mbahet në Uglar nga ora 17:00 për banorët e Uglarit dhe Batushës, si dhe për anëtarët e Këshillave lokale atje.
