Kryetarja e Komunës së Graçanicës, prof.dr. Ljiljana Shubariq dhe drejtoresha e Shëndetësisë dhe Mirëqenies Sociale, Zorica Milliq, e vizituan Shtëpinë e të moshuarve në vendbanimin Padallishtë me rastin e 1 Tetorit, Ditës Ndërkombëtare të të Moshuarve.
Kryetarja Shubariq dhe drejtoresha Milliq shfrytëzuesve të Shtëpisë së të moshuarve u uruan shëndet, qëndrim të këndshëm dhe të kujdesshëm në një institucion që funksionon nën autoritetin e qeverisjes lokale.
“I kemi vizituar të moshuarit që jetojnë në Shtëpinë e të moshuarve në Graçanicë për t’u uruar shëndet dhe jetë të gjatë dhe sigurisht për t’u thënë se nuk janë vetëm dhe se ka kush kujdeset për ta”, tha kryetarja Shubariq.
Kryetarja i falënderoi punëtorët e komunës që kujdesen për ta, për vëmendjen dhe dashurinë që u japin.
Me rastin e Ditës Ndërkombëtare të të Moshuarve, nëpërmjet Drejtorisë së Shëndetësisë dhe Mirëqenies Sociale, Shtëpisë e të moshuarve iu dhurua një lavatriçe, një tavolinë dhe karrige për ta lehtësuar funksionimin e saj.
“Natyrisht, ne rregullisht ofrojmë barna të nevojshme dhe ndihmë tjera mjekësore për shfrytëzuesit e shërbimeve të kësaj shtëpie”, tha drejtoresha e Drejtorisë Komunale të Shëndetësisë, Zorica Milliq.
Dita Ndërkombëtare e të Moshuarve u caktua nga Asambleja e Përgjithshme e OKB-së në vitin 1990.
