Në frymën e shënimit të festës së Lindjes së Krishtit, që simbolizon paqen, dashurinë dhe bashkimin, Organizata turistike e Graçanicës dhe Komuna e Graçanicës, organizojnë tradicionalisht një nga zakonet më të bukura me rastin e Krishtlindjeve – thyerjen e bukës së Krishtlindjes.
Thyerja e bukës së Krishtlindjeve në Graçanicë do të organizohet ditën e Krishtlindjeve, të mërkurën, më 7 janar duke filluar nga ora 11:00, para Komunës së Graçanicës.
Buka e ritit (një copë bukë, simbol i ushqimit fizik dhe shpirtëror) do të përmbajë tre monedha ari të dhuruara nga Organizata turistike e Graçanicës dhe Komuna e Graçanicës. Monedhat e arit do t’u shkojnë vendasve më me fat që i gjejnë teksa e thyejnë bukën e Krishtlindjes. Përveç monedhave të arit, buka do të përmbajë edhe fasule, misër, rrush të thatë dhe grurë, të cilat simbolizojnë lumturinë, paratë, shëndetin dhe të korrat e mira për vitin e ardhshëm. Bukën do ta bëjë kryetarja e shoqatës joformale “Tradita nëpër shekuj”, Danijella Simonoviq nga Batusha.
Si pjesë e thyerjes së bukës së Krishtlindjeve, tradicionalisht do t’u shpërndahen pakot e Krishtlindjeve banorëve më të vegjël.
Organizatorët i ftojnë të gjithë banorët e Komunës së Graçanicës që të marrin pjesë në këtë ngjarje dhe të festojnë së bashku festën më të gëzueshme ortodokse – Krishtlindjet.
Paqja e Zotit, Krishti lindi!
