Me rastin e festës më të madhe krishtere, Pashkëve, me mbështetjen e Komunës së Graçanicës do të organizohen ngjarje të shumta kulturore dhe sportive të destinuara për të gjitha gjeneratat. Qëllimi është që kjo festë të festohet në një frymë uniteti, tradite dhe gëzimi.
Ngjarja e parë, të enjten, më 17 prill, është e dedikuar për qytetarët tanë më të rinj. Organizata turistike do ta organizojë ngjarjen “Magjia dhe aventurat e Pashkëve” në parkun mesjetar “Ordo Drakonis”. Në këtë ngjarje, të gjithë fëmijët e mbledhur do të mund ta tregojnë kreativitetin dhe talentin e tyre duke i lyer vezët e Pashkëve, përmes punëtorive krijuese për fëmijë dhe një konkursi artistik.
Theks i veçantë do t’i kushtohet zakoneve tradicionale, prandaj së bashku me një program të pasur kulturo-artistik, të hënën e Pashkëve, më 21 prill, për të nëntën herë në Shtëpinë e kulturës në Graçanicë do të mbahet ngjarja “Veza më e fortë e Pashkëve”. Në kuadër të ngjarjes, këtë vit u organizua një konkurs artistik për vezën e Pashkëve të lyer më bukur për parashkollorët, si dhe nxënësit e shkollave fillore dhe të mesme, ndërsa ditën e ngjarjes do të hapet ekspozita me vepra artistike të fituesëve.
Me qëllim të promovimit të jetesës dhe komunitetit të shëndetshëm, qytetarët e rinj dhe të moshuar do të jenë në gjendje të shijojnë ose të marrin pjesë në turne të pingpongut dhe të futbollit të vogël. Turneu i katërt humanitar i pingpongut do të mbahet më 24 prill në Sallën e sporteve në Llapllasellë në orën 11:00. Gara zhvillohet në kategori të vetme – kategori të rinj dhe të moshuar për femra dhe kategori të rinj dhe të moshuar për meshkuj, të moshuar dhe veteranë.
Komuna e Graçanicës do t’i shpërndajë pakot me vezë për familjet në nevojë. Në këtë mënyrë, ne dëshirojmë ta urojmë festën e familjeve me gjendje më të dobët financiare dhe të sigurojmë që ta festojnë atë në përputhje me traditën dhe zakonet, të gëzuara dhe në paqe me familjet e tyre.
Komuna e Graçanicës fton qytetarët që të bashkohen dhe të kontribuojnë në atmosferën festive me praninë e tyre, me dëshirën që festat e Pashkëve t’i kalojnë në paqe, gëzim dhe festë të përbashkët.
