Me Liturgjinë e shenjtë në manastirin e Graçanicës, me litinë nëpër rrugët e Graçanicës dhe me prerjen e ëmbëlësirës festive para ndërtesës së komunës, filloi kremtimi i festës së Zojës së Vogël, të cilën Komuna e Graçanicës e feston si Ditë të Komunës. Në Shtëpinë e kulturës, në orën 12:30, do të mbahet Akademia ceremoniale.
Kryeprifti Gjorgje Stefanoviq e shërbeu liturgjinë e kryepeshkopit të shenjtë në manastirin e Graçanicës me klerikët dhe murgjit me bashkësinë e priftërinjve të Kishës Ortodokse Serbe. Më pas ka filluar litia nëpër rrugët e Graçanicës, e cila ka përfunduar para ndërtesës së Komunës së Graçanicës, ku është prerë ëmbëlësia festive.
Ditën e Komunës së Graçanicës dhe festën e Zojës së Vogël ua ka uruar të pranishmëve edhe kryetarja e Komunës së Graçanicës, prof. dr. Ljiljana Shubariq.
“Sot jemi mbledhur këtu për ta festuar festën e Zojës së Vogël – Ditën e Komunës së Graçanicës. Pas Liturgjisë së Ipeshkvisë së Shenjtë, litisë në rrugët e Graçanicës dhe këtij akti të shenjtë të prerjes së ëmbëlësirës festive, simbol i besimit tonë, i familjes tonë, i unitetit tonë, më mbetet vetëm t’ju uroj të gjithëve festën e sotme, festën e madhe dhe t’i falënderoj të gjithë ata që janë sot këtu me ne për ta ndarë gëzimin së bashku këtë ditë. Dëshira ime është që Zoja e Madhe dhe e Vogël të vazhdojë të na mbrojë dhe të jetë mbrojtësja jonë, të na mbrojë nga të gjitha hallet, të na mbrojë nga të gjitha të këqijat që nuk na lejojnë të jetojmë me dinjitet. Le të lutet Virgjëresha Mari që të qëndrojmë këtu në vatrat tona shekullore”, tha kryetarja e Komunës së Graçanicës, prof.dr. Ljiljana Shubariq.
Festimi i Ditës së Komunës do të vazhdojë me Akademinë ceremoniale në ora 12:30 në Sallën e madhe të Shtëpisë së kulturës në Graçanicë, ku ndër të tjera do të flasë edhe kryetarja Shubariq.
