Bashkëpunimi ndërmjet UNMIK-ut dhe Komunës së Graçanicës përmes projektit për përkrahje të komunitetit “Bëhu partneri im për mirëqenie” vazhdoi sot me dorëzimin e pajisjeve për mirëmbajtjen e gjelbërimit për banorët e ndërtesave të reja të banimit në Suhadoll. Janë dorëzuar kositëse bari, pajisje për lojëra sociale, duke përfshirë një tavolinë dhe pajisje për pingpong, si dhe pajisje sportive.
“Ne vazhdojmë bashkëpunimin tonë të suksesshëm me UNMIK-un dhe OJQ-në “Advancing Together”, tha Sasha Daniq, këshilltar i kryetares së Komunës së Graçanicës për Komunitete, i cili i falënderoi organizatorët për donacionin në emër të tij dhe në emër të kryetares Shubariq.
“Dëshiroj t’i falënderoj partnerët nga UNMIK-u të cilët gjatë këtyre viteve kishin mirëkuptim dhe e kuptuan rëndësinë e projekt-propozimeve tona, të cilat zbatohen së bashku me organizatën “Advancing Together” për të mirën e të gjitha komuniteteve në territorin e komunës sonë. Përfitoj nga rasti ta falënderoj Këshillin danez, i cili është më përgjegjës për ndërtimin e tij, në këtë vend në Suhadoll, ku ndodhet një kompleks modern rezidencial. Projektet për të mirën e të gjitha komuniteteve vazhdojnë. Ne hapëm Qendrën kulturore në Suhadoll dhe sot banorët përfituan mjetet e nevojshme teknike për mirëmbajtjen e sipërfaqeve të gjelbra dhe rekuizitave sportive-rekreative dhe sociale. Ne do të vazhdojmë edhe në të ardhmen të jemi mbështetje për të gjitha komunitetet në mënyrë të pavarur dhe me ndihmën e partnerëve tanë nga bashkësia ndërkombëtare”, tha Daniq dhe vuri në dukje se në vitin 2023 janë realizuar katër projekte dhe se katër projekte të tjera me të njëjtin synim janë duke u zbatuar këtë vit.
Shtefan Fildrik, udhëheqës i ekipit të Zyrës së UNMIK-ut për Komunitete, u tha banorëve në Suhadoll që të angazhohen në aktivitete sociale, sporte dhe rekreacion sepse socializimi dhe komunikimi i ndërsjellë është mënyra më e shëndetshme e jetesës.
Lilijan Melejor, udhëheqësja e Zyrës së UNMIK-ut për Mbështetjen e Komuniteteve, përgjegjëse për projekte, si dhe Bashkim Ibici, drejtor i OJQ-së “Advancing Together”, morën pjesë në dorëzimin e donacionit për banorët në Suhadoll. Së bashku me Sasha Daniqin, Suhadollin e kanë vizituar sot drejtoresha e Drejtorisë Komunale për Urbanizëm dhe Planifikim Hapësinor, Alleksandra Gjekiq, si dhe drejtori i Drejtorisë Komunale të Shërbimeve Publike, Vlladica Trajkoviq.
