Falë donacionit të Komunës së Graçanicës, Shkolla fillore “Kralj Millutin” në Graçanicë sot mori pajisje të reja shkollore në formë të tavolinave dhe karrigeve. 200 stola dhe karrige janë dorëzuar zyrtarisht në përdorim nga kryetarja e pushtetit lokal, Ljiljana Shubariq.
Kryetarja e Komunës së Graçanicës, prof. dr. Ljiljana Shubariq, ia dorëzoi inventarin e ri shkollor drejtorit të ShF “Kralj Millutin”, Vlladimir Millikiq, në prani të drejtorëve të drejtorive komunale dhe përfaqësuesve të Listës Serbe, në krye me kryetarin e saj, prof.dr. Zllatan Ellek.
Janë dhuruar 200 stola dhe karrige me vlerë 21.400 euro. Kryetarja Shubariq tha me këtë rast se shpreson se inventari i ri do të kontribuojë në punën më të mirë dhe më të lehtë në përvetësimin e njohurive të reja.
“Donacioni është vetëm një nga hapat e shumtë në mbështetjen e vazhdueshme të pushtetit lokal për përmirësimin e sistemit arsimor dhe krijimin e kushteve më të mira. Ne në pushtetin lokal jemi krenarë për gjithçka që kemi arritur të ofrojmë për fëmijët tanë; çdo kënd të ri lojrash, klasa të reja, pajisje zyre, pajisje sportive dhe çdo ndihmë tjetër që ka përmirësuar kushtet për arsimim më cilësor. Ne besojmë se investimi në arsim nuk është një investim në të tashmen, por në të ardhmen tonë. Besoj se në këtë mënyrë do të krijojmë disa artistë, mjekë, liderë të rinj, të cilët do të kontribuojnë në zhvillimin e shoqërisë sonë, mbijetesën dhe qëndrimin tonë këtu”, tha Shubariq.
Drejtori i ShF “Kralj Millutin”, Vlladimir Millikiq, e falënderoi Komunën e Graçanicës dhe kryetaren Shubariq për ndihmën e çmuar, siç tha ai, dhe që pati vesh për nevojat e tyre.
Inventari shkollor është siguruar përmes Drejtorisë së Arsimit dhe Kulturës.
