Komuna e Graçanicës ka ndërtuar një objekt ndihmës me një sipërfaqe prej 54 m² për nevojat e Institucionit parashkollor “Gjurgjevak” në Graçanicë. Objekti do të shërbejë si hapësirë për magazinim dhe garazhë.
Me rastin e përfundimit të punimeve, drejtoresha e Arsimit e Komunës së Graçanicës, Brankica Niqiq, e vizitoi Institucionin parashkollor “Gjurgjevak”, e cila zyrtarisht ia dorëzoi objektin në përdorim drejtoreshës së institucionit, Radica Parlliq.
Drejtoresha Niqiq theksoi se Komuna e Graçanicës vazhdon me mbështjen e sistemit arsimor.
“Komuna e Graçanicës investon vazhdimisht në përmirësimin e kushteve në institucionet arsimore dhe kjo do të vazhdojë edhe në vitin 2026, pasi planifikojmë të zbatojmë një numër projektesh në fushën e arsimit. Ky objekt ndihmës është një shembull tjetër i angazhimit tonë për të krijuar kushte më të mira për punën dhe funksionimin e institucioneve parashkollore”, tha Niqiq. Drejtoresha e Institucionit parashkollor “Gjurgjevak”, Radica Parlliq, e falënderoi Komunën e Graçanicës dhe Drejtorinë e Arsimit për njohjen e nevojave të institucionit, duke theksuar se objekti i ri do ta lehtësojë ndjeshëm funksionimin e tyre të përditshëm.
