Organizata joqeveritare “Pupin” në bashkëpunim me Komunën e Graçanicës siguroi mjete për praktikën e të rinjve nga territori i komunës. Kryetarja Shubariq ua dorëzoi sot kontratat.
Kryetarja e Komunës së Graçanicës, prof.dr. Ljiljana Shubariq, sot në prani të përfaqësuesve të OJQ-së “Pupin”, i ka dorëzuar kontratat e praktikës tremujore për 69 të rinj nga territori i Komunës së Graçanicës.
“Besoj se përmes kësaj pune praktike do të fitoni përvoja të reja pune, do t’i përmirësoni njohuritë tuaja dhe do të bëni miq të rinj. Nuk duhet ta harrojmë atë moment financiar, që mendoj se është shumë i rëndësishëm për të gjithë ju”, tha kryetarja Shubariq, duke iu drejtuar praktikantëve dhe duke uruar të gjithë ata që fituan të drejtën e punës praktike.
“Përpara organizatës që përfaqësoj, i përgëzoj të gjithë për kontratat. Kjo puna praktike zgjat tre muaj. Rritëm numrin e praktikantëve në krahasim me projektin, por ulëm kohëzgjatjen e praktikës dhe tarifën mujore në mënyrë që të gjithë ata që kanë aplikuar të kenë shansin e tyre. Gjithçka është bërë në bashkëpunim me Komunën e Graçanicës dhe edhe një herë ju përgëzoj të gjithëve”, tha Alleksandar Velliq, përfaqësues i OJQ-së “Pupin”.
Kryetarja Shubariq i ftoi të gjithë të rinjtë që kanë biznesin e tyre që të aplikojnë për ndihmë dhe mbështetje në pajisje, pasi siç tha ajo, plani i projektit parasheh ndihmë edhe në këtë aspekt.
