Kryetari i Komunës së Graçanicës, Novak Zhiviq, u dërgoi qytetarëve një mesazh urimi për Vitin e Ri, duke u uruar shëndet të mirë, lumturi, një të ardhme më të mirë dhe më të sigurt.
“Viti që po mbaron nuk ka qenë gjithmonë i lehtë, prandaj në Vitin e Ri 2026 hyjmë me besim në ditë më të mira dhe më të bukura. Është e rëndësishme që të vazhdojmë të punojmë shumë dhe të bëjmë çmos për t’i arritur qëllimet për të cilat përpiqemi. Jini të sigurt se mbetemi të përkushtuar për të krijuar kushte më të mira jetese për të gjithë qytetarët me qëllim të krijimit të një Graçanice më të bukur dhe më të mirë”.
“I ftoj të gjithë qytetarët që ta shfrytëzojnë frymën e festave si një frymëzim për t’i ushqyer raportet familjare dhe miqësore, si dhe respektin e ndërsjellë, sepse vetëm në këtë mënyrë mund të ndërtojmë një të ardhme të përbashkët dhe më të mirë”.
“Në emër të Komunës së Graçanicës dhe në emrin tim personal, ju uroj një Vit të Ri më të lehtë, më të qetë dhe më të gëzueshëm, duke ju sjellë shëndet të mirë, paqe dhe lumturi familjare, kënaqësi personale dhe sukses në çdo aspekt”.
