Kryetarja e Komunës së Graçanicës, prof.dr. Ljiljana Shubariq, bisedoi sot me delegacionin e KFOR-it, të udhëhequr nga zëvendëskomandanti i Grupit të KFOR-it Lindje, Evan Hasel.
Përveç situatës së sigurisë, kryetarja e Komunës së Graçanicës, prof.dr. Ljiljana Shubariq, bisedoi me Haselin edhe për vendimin e Qeverisë së Kosovës për përvetësimin e 13 hektarëve të pronës së komunës në zonën e Graçanicës me qëllim të realizimit të ndërtimit të “Qendrës rezidenciale për autizëm, sindromë daun dhe aftësi të kufizuar për fëmijë, persona të rritur dhe të moshës së shtyrë”.
Kryetarja Shubariq përsëriti edhe një herë qëndrimin e saj se shprehimisht e kundërshton vendimin e Qeverisë së Kosovës për përvetësimin e pronës së komunës dhe i bëri thirrje KFOR-it dhe gjithë komunitetit ndërkombëtar që të përfshihet në zgjidhjen e kësaj çështjeje.
Krahas këtyre çështjeve, kryetarja Shubariq dhe zëvendëskomandanti i KFOR-it, ndër të tjerash, diskutuan edhe për sfidat me të cilat ballafaqohet pushteti lokal dhe qytetarët e saj për ta përmirësuar bashkëpunimin ndërmjet KFOR-it dhe Komunës së Graçanicës përmes realizimit të projekteve të reja.
U konstatua se misioni i përbashkët i KFOR-it dhe përfaqësuesve të pushtetit lokal është ruajtja e paqes dhe stabilitetit.
