Nën organizim të Drejtorisë Komunale për Bujqësi dhe Pylltari dhe kompanisë “Edufarm” u mbajt sot në Graçanicë ligjerata për fermerët. Përmes ligjeratës profesionale janë prezantuar teknologjitë bashkëkohore në agrobiznes.
Përmes prezantimit të përfaqësuesit të “Edufarm-it”, Olliver Stankoviq, fermerët nga territori i Komunës së Graçanicës u njoftuan me modalitetet e avancimit të prodhimit bujqësor u njohën me teknologjitë bashkëkohore në agrobiznes.
Përmes prezantimit pjesëmarrësit u njohën edhe me punën dhe funksionimin e kompanisë, si dhe me mënyrat specifike se si ata mund t’i përmirësojnë proceset e tyre të prodhimit.
Në ligjeratë morën pjesë rreth 60 fermerë nga territori i Komunës së Graçanicës, të cilët, pas pjesës zyrtare, patën mundësinë t’i shkëmbejnë përvojat në një diskutim të hapur dhe të krijojnë një bashkëpunim të ardhshëm me këtë kompani.
Drejtoria Komunale për Bujqësi dhe Pylltari të Komunës së Graçanicës njofton se do të vazhdojë të organizojë ngjarje të ngjashme me qëllim të mbështetjes së zhvillimit të bujqësisë dhe mundësimit të bashkëpunimit të drejtpërdrejtë me kompanitë që mund të kontribuojnë në rritjen e produktivitetit dhe konkurrueshmërisë së prodhuesve nga territori i Komunës së Graçanicës.
