Kryetarja e Komunës së Graçanicës, prof.dr. Ljiljana Shubariq, me bashkëpunëtorët e saj, e vizitoi Llapllasellën, parcelën të cilën komuna e bleu përmes shpronësimit me qëllim të zgjerimit të varrezave ortodokse.
Pas më shumë se një dekade që nga nisja e iniciativës, qeverisja lokale e Graçanicës i ka përfunduar procedurat administrative lidhur me shpronësimin e një parcele pranë kishës së Shën Petkës në Llapllasellë, e cila do të shfrytëzohet për zgjerimin e varrezave ortodokse.
Kryetarja e Komunës së Graçanicës, prof.dr. Ljiljana Shubariq, së bashku me drejtoreshën e Drejtorisë Komunale për Urbanizëm dhe Planifikim Hapësinor, Alleksandra Gjekiq, drejtorin e Drejtorisë së Shërbimeve Publike, Vlladica Trajkoviq dhe këshilltarin Sasha Daniq, diskutuan për rëndësinë e shpronësimit të parcelës me priftin e famullisë, Bojan Krstiq dhe përfaqësuesit të Këshillit lokal.
Prifti Bojan Krstiq e falënderoi Komunën e Graçanicës për përfundimin e problemit me të cilin ballafaqohen banorët e Llapllasellës dhe Preocit prej vitesh.
“Fakti është se njeriu jeton dhe vdes. Dhe zgjerimi i varrezave ka një rëndësi të madhe për popullatën tonë. Fluksi i vazhdueshëm i popullsisë dhe objektet e banimit që janë ndërtuar kanë kërkuar zgjidhje për këtë çështje. Falënderoj Komunën e Graçanicës dhe besoj se rregullimi i parcelës do të fillojë në periudhën e ardhshme”, tha prifti Bojan.
Kryetarja e Komunës së Graçanicës, prof.dr. Ljiljana Shubariq, foli me priftin Bojan për detajet teknike që lidhen me rregullimin e parcelës dhe rëndësinë e saj për popullatën.
“Besoj se me blerjen e kësaj parcele kemi zgjidhur një problem dhjetëvjeçar. Është një parcelë e madhe e blerë në bazë të shpronësimit me një sipërfaqe totale prej 4319 metrash katrorë. Na mbetet vetëm të punojmë së bashku për zhvillimin e saj”, tha kryetarja Shubariq gjatë vizitës në Llapllasellë.
