Në kuadër të shënimit të festës më të gëzuar krishtere, Pashkëve, më 17 prill 2025 në Graçanicë do të mbahet manifestimi i dytë “Magjia dhe aventurat e Pashkëve”.
Organizator i manifestimit, i cili po realizohet në bashkëpunim me Komunën e Graçanicës, edhe këtë vit është Organizata turistike e Graçanicës.
Ngjarja “Magjia dhe aventurat e Pashkëve” do të mbahet në parkun tematik mesjetar “Ordo Drakonis” ditën e enjte të Pashkëve, më 17 prill, nga ora 12:00 deri në orën 14:00.
Materiali është siguruar dhe hyrja është falas për të gjithë, ju takon të vini dhe ta shijoni.
Në këtë ngjarje, të gjithë fëmijët e mbledhur do të mund ta tregojnë kreativitetin dhe talentin e tyre duke i lyer vezët e Pashkëve, përmes punëtorive krijuese për fëmijë dhe një konkursi artistik; të gjitha këto aktivitete do të jenë në programin e tubimit të këtij viti.
Ajo që do t’i japë një vulë të veçantë kësaj ngjarjeje janë buzëqeshjet e fëmijëve, pa të cilat kjo magji e Pashkëve nuk do të ishte e plotë.
Kjo është një mundësi që më të rinjtë tanë ta shijojnë magjinë e Pashkëve si artistë të vërtetë dhe krijuesit më të sinqertë të gëzimit dhe dashurisë, njofton OTG-ja.
