Përfaqësuesit e kontingjentit slloven të KFOR-it dhe Ministrisë së Mbrojtjes së këtij vendi sot i kanë dorëzuar Komunës së Graçanicës një defibrilator që do të vendoset në sallën e Komunës së Graçanicës, ndërsa defibrilatori shkollor me pajisje përcjellëse iu dorëzua Kryqit të Kuq “Graçanica”.
Defibrilatorët e dhuruar nga Ministria e Mbrojtjes së Republikës së Sllovenisë sot në prani të zyrtarëve komunalë iu dorëzuan kryetares, prof. dr. Ljiljana Shubariq.
Mateja Rokviç, zëvendësdrejtoreshë e Drejtorisë së Ministrisë së Mbrojtjes, gjatë prezantimit tha se KFOR-i slloven do të vazhdojë ta ndihmojë popullatën dhe se beson se ky aparat i një rëndësie të madhe do ta ndihmojë Komunën e Graçanicës si dhe Kryqin e Kuq.
Kryetarja e Komunës së Graçanicës, prof.dr. Ljiljana Shubariq, e falënderoi në emër të Komunës së Graçanicës qeverinë sllovene dhe KFOR-in për donacionin, duke shprehur se bashkëpunimi do të vazhdojë edhe në të ardhmen.
Para dorëzimit të pajisjes CIMIC është mbajtur trajnimi për përdorimin e tij, i cili është organizuar për përfaqësuesit e Shërbimit të Zjarrfikësve, Kryqit të Kuq dhe personelin mjekësor dhe zyrtarët komunalë.
