Kryetarja e Komunës së Graçanicës, prof.dr. Ljiljana Shubariq, sot ndau 50 kontrata të njëhershme të bursave për nxënësit e shkollave të mesme me gjendje të rëndë financiare nga komunitetet e ndryshme.
Sipas kontratave, 50 nxënës të shkollave të mesme nga territori i Komunës së Graçanicës do të marrin bursë një herë në vlerë prej 100 euro. Ato do të shpërblehen nga OJQ “Hapi drejt një të ardhmeje më të mirë”, në kuadër të projektit “Qendra për Zhvillimin e Komunitetit: Udhëheqësit e së nesërmes”, i cili është mbështetur nga Komuna e Graçanicës.
Kryetarja Shubariq tha se kjo është “një ndihmë e vogël dhe modeste që do të thotë shumë për bashkëqytetarët tanë të rinj”, dhe u uroi suksese në shkollimin e mëtutjeshëm.
Ceremonia e nënshkrimit të kontratës u organizua në sallën e Kuvendit të Komunës së Graçanicës.
Përndryshe, përmes programit të lartpërmendur të mbështetur nga Komuna e Graçanicës, në fillim të vitit shkollor, nxënësve iu ndanë çanta shpine me mjete shkollore, ndërsa gjatë verës u organizua kampi për 45 fëmijë në bregdetin malazez.
