Kryetarja e Komunës së Graçanicës, prof.dr. Ljiljana Shubariq, së bashku me drejtoreshën e urbanizmit, Alleksandra Gjekiq, i vizitoi punimet në asfaltimin e dy rrugëve në Badovcin e Ri në një gjatësi prej 200 metrash.
Komuna e Graçanicës i ka shfrytëzuar kushtet disi më të favorshme atmosferike për ta filluar sezonin e ri ndërtimor, i cili së fundi ka filluar me rindërtimin e rrugës “Dositejeva” afër objektit të ri të Institucionit parashkollor “Gjurgjevak” në Graçanicë.
Dje janë asfaltuar dy rrugë në Badovcin e Ri me një gjatësi të përgjithshme prej 205 metrash, ku me këtë rast kryetarja e komunës, prof.dr. Ljiljana Shubariq, e shoqëruar nga drejtoresha e Drejtorisë së Urbanizmit, Alleksandra Gjekiq, e vizituan këtë vendbanim.
Me këtë rast, kryetarja Shubariq, në një bisedë me qytetarët, shtëpitë e të cilëve janë të vendosura në rrugë të asfaltuara, theksoi se pushteti lokal do të vazhdojë të investojë në infrastrukturën e nevojshme.
Në një bisedë me kryetaren Shubariq, qytetarët thanë se rrugët janë në gjendje katastrofike dhe se janë shumë të kënaqur që problemi i infrastrukturës rrugore është zgjidhur dhe se do t’ua lehtësojë dhe përmirësojë kushtet e jetesës.
Kryetarja shtoi se autoritetet nga komuna janë gjithmonë në terren me qytetarët, duke i dëgjuar nevojat dhe idetë e tyre.
Asfaltimi i rrugëve është pjesë e një projekti afatgjatë të Komunës së Graçanicës dhe deri në fund të ditës do të asfaltohen edhe dy rrugë më të vogla në Graçanicë.
