Për shkak të reshjeve të shiut që kanë prekur Komunën e Graçanicës ditët e fundit, uji në liqenin e Graçanicës është turbulluar. Si rezultat, pompat e pastrimit të ujit aktualisht nuk janë në gjendje të përpunojnë sasi të mjaftueshme, gjë që ka çuar në ndërprerje të furnizimit me ujë në disa pjesë më të larta të Komunës së Graçanicës.
Siç raportohet nga Drejtoria Komunale e Shërbimeve Publike dhe Situatave Emergjente, qytetarët që jetojnë në pjesët më të larta të Badovcit të Ri, Sushicës dhe Graçanicës kanë presion më të ulët të ujit. Stabilizimi pritet në ditët në vijim kur ekipet e Ujësjellësit ta rivendosin kapacitetin e plotë të sistemit.
Shërbimet përgjegjëse po e monitorojnë situatën në terren dhe po i ndërmarrin masat e nevojshme për normalizimin e furnizimit me ujë në të gjitha zonat e Komunës së Graçanicës.
