Shefi i Programit të Kombeve të Bashkuara në Kosovë (UNDP), Nuno Queiroz, vizitoi sot Komunën e Graçanicës. Në një bisedë të hapur me kryetarin Novak Zhiviq, është analizuar me kujdes aspekti aktual i bashkëpunimit dhe planet e mëtejshme.
Gjatë takimit janë shqyrtuar prioritetet e zhvillimit të Komunës së Graçanicës, modelet e zhvillimit të qëndrueshëm dhe nevojat e të gjitha komuniteteve që jetojnë në komunë.
Kryetari i Komunës së Graçanicës, Novak Zhiviq, e falënderoi Queirozin për vizitën, si dhe për përpjekjet e mëparshme të UNDP-së për ta ndihmuar popullsinë, veçanërisht të rinjtë në afirmimin dhe zhvillimin e tyre të mëtejshëm.
Shefi i Programit të Kombeve të Bashkuara në Kosovë (UNDP), Nino Queiros, e uroi kryetarin Zhiviq për emërimin e tij dhe shprehu gatishmërinë e tij për ta vazhduar bashkëpunimin e mëtejshëm të përbashkët dhe forcimin e partneritetit.
Bashkëbiseduesit u pajtuan se në periudhën e ardhshme është e nevojshme të intensifikohet bashkëpunimi përmes projekteve specifike dhe koordinimit të rregullt ndërinstitucional.
