Sot është bërë organizimi dhe përgaditjet për nisje në ora 07:00 , para shkollës fillore “ Knez Llazar “ në Gushtericën e Poshtme . Nxënësit e klasave V – VIII , pushimin e Pashkave do ta kalojnë tek shokët e tyre në Baçka Pallanka si dhe do të njihen me traditën kulturore të këtij vendi të bukur në Vojvodinë. Kjo vizitë është bërë paksa tradicionale si dhe shumë nga fëmijët kanë arritur të mbajnë kontakte me shokët nga Baçka Pallanka , shoqëri kjo e cila do të zgjasë për shumë vite duke mos i harruar çastet e kaluara bashkë.Programi i vizitës parashikon se të shtunën më 03.prill 2010. , në hapësirën e një shkollë , fëmijët do t‘i ngjyrosin vezët dhe do t‘i shesin për qëllime humanitare . Në fytyrat e fëmijëve shihej gëzimi dhe emocionimi për vizitë këtij vendi : “ Mendoj që brenda këtyre pesë ditëve të qëndrimit , do të njohim shokë të rinj dhe do të mësojmë diçka të re për qytetin e tyre. Ti krijojmë disa përvoja të reja” tha njëri prej nxënësve , i cili gjithashtu theksoi se dëshiron të jetoj normalisht sikur çdo moshatar i tij në botë. Këtë organizim e finanson zyra e kryetarit të Komunës Graçanica Bojan Stojanoviq.
Sivjet ashtu sikur edhe 10 vitet e fundit kryetari i fshatit Livagje Zllatibor Sekuliqi organizoi sëbashku me kryetarët e fshatrave të tjera udhëtimin në ditën më të madhe për krishterët , udhëtim për në Baçka Pallanka për 45 nxënëstë shkollave fillore. Nxënësit janë nga Gushterica e Poshtme dhe e Lartë , Livagje , Dobrotin , Lipjani dhe fshatra të tjera përreth.
