Falë donacionit të Komunës së Graçanicës, nxënësit, mësimdhënësit dhe arsimtarët e Shkollës fillore “Knez Lazar” në Gushtericën e Poshtme nga sot janë duke punuar në tabelat e reja shkollore. Këtij institucioni arsimor zyrtarisht iu dorëzua një kaldajë e re në përdorim, si dhe një hapësirë e rikonstruktuar në paralelën e ndarë në Livagjë, ndërsa një objekt për vendosjen e druve të zjarrit iu dha Qendrës së shkollave të mesme në Llapllasellë.
“Komuna e Graçanicës është e përkushtuar për përmirësimin dhe krijimin e kushteve më të mira për arsim, ndërsa si dëshmi të kësaj janë projektet e fundit të përfunduara në atë sektor”, tha kryetarja pas vizitës në institucionet arsimore.
Tabelat e reja dhe kaldaja për Shkollën fillore “Knez Lazar”, rikonstruktioni i aneksit të paraleles së ndarë të shkollës në Livagjë
Kryetarja e Komunës së Graçanicës, prof.dr. Ljiljana Shubariq, e vizitoi fillimisht Shkollën fillore “Knez Lazar” në Gushtericën e Poshtme, së cilës iu dhuruan 20 tabela shkollore përmes Drejtorisë së Arsimit dhe Kulturës me qëllim të përmirësimit të mësimdhënies.
Kryetarja Shubariq, e shoqëruar nga drejtoresha e Arsimit, Brankica Niqiq dhe drejtoresha e Urbanizmit, Alleksandra Gjekiq, zyrtarisht i dhuruan shkollës një kaldajë të re të ndërtuar me mjete të qeverisjes lokale.
Kjo shkollë nuk kishte kaldajë, por kazani ndodhej në bodrumin e objektit të shkollës, ku për shkak të kushteve joekzistente, si oxhaku joadekuat dhe të ngjashme, tymi ndjehej në të gjithë objektin dhe paraqiste një rrezik për të gjithë.
Së bashku me bashkëpunëtorët, kryetarja më pas e vizitoi paralelen e ndarë të Shkollës fillore “Knez Lazar” në Livagjë, ku është bërë rikonstruktimi i pjesës së vjetër të objektit. Me këto punime shkolla mori tre hapësira të reja, dy prej të cilave do të përdoren si klasa. Falë këtij projekti, mësimet në atë godinë, nga klasa e parë deri në të katërtën, tashmë do të zhvillohen në turnin e mëngjesit.
Drejtori i shkollës, Dragan Maksimoviq, falënderoi për gjithçka që është bërë, i cili theksoi se Komuna e Graçanicës gjithmonë i ka ndihmuar dhe përkrahur përmes donacioneve të ndryshme, nga rekuizita për edukim fizik, pajisjet e kabinetit më modern për disa lëndë, e deri te rinovimi i shkollës amzë dhe paraleleve të saj periferike.
