Kryetarja e Komunës së Graçanicës, prof.dr. Ljiljana Shubariq, u takua sot me dhjetëra qytetarë, të cilët e patën rastin t‘i shprehin problemet, propozimet, sugjerimet e tyre.
“Komunikimi i drejtpërdrejtë me bashkëqytetarët tanë është mënyra më e mirë për t’i kuptuar nevojat dhe problemet e tyre, por edhe për t’i informuar për projektet dhe iniciativat që po i realizojmë”, tha kryetarja Shubariq.
Qytetarët e interesuar për të biseduar me kryetaren e komunës mund të regjistrohen duke lënë të dhënat e tyre në sportelin e komunës, pas së cilës do të njoftohen se kur duhet të vijnë në takim.
