Kryetarja e Komunës së Graçanicës, prof.dr Ljiljana Shubariq, mori pjesë dje në shënimin e eventit të dhjetë me radhë “Duart e arta të vajzës së Kosovës”, i cili organizohet nga Shoqata e Grave Afariste “Avenija” nga Llapllasella me rastin e festës së Shën Premtes.
Eventi “Duart e arta të vajzës së Kosovës”, i cili synon promovimin e artizanateve dhe kuzhinës vendase me qëllim të ruajtjes së traditës, është hapur në parkun e fëmijëve në Llapllasellë në orët e pasditës.
Kryetarja Shubariq, e cila mori pjesë në këtë manifestim me bashkëpunëtorët e saj, e përgëzoi kryetaren e shoqatës “Avenija” për organizimin e kësaj ceremonie, ndërsa banorëve të Llapllasellës i uroi festën që e festojnë Shën Premten si festë fshati. Ajo theksoi se Komuna e Graçanicës do të vazhdojë t’i ushqejë vlerat e vërteta për ta ruajtur traditën.
Tradicionalisht, më 8 gusht, në ditën e Shën Premtes, festës së fshatit në Llapllasellë, Shoqata e Grave “Avenija” organizon një program të pasur kulturor dhe artistik krahas ekspozitës së punimeve kombëtare dhe kuzhinës vendase.
Mbrëmë publikun e kanë argëtuar artistët e estradës Zorana Paviq dhe Renato Henc, ndërsa të pranishmit i ka gëzuar aktori Millan Vasiq me interpretimet e tij të këngëve për Kosovën, ndërsa me vallëzim ka prezantuar edhe Shoqëria Kulturore Artistike “Slavuj” nga Bdovci i Ri.
Anëtaret e shoqatës “Avenija” përgatitën gatime kombëtare kosovare, ndërsa anëtarët e disa shoqatave të grave nga Serbia qendrore dhe Vojvodina prezantuan aftësitë e tyre në përgatitjen e ushqimit dhe punimet artizanale. Në këtë event në emër të Zyrës për Kosovë dhe Metohi mori pjesë ndihmës drejtoresha Millena Parlliq.
Eventi “Duart e arta të vajzës së Kosovës” u mbajt këtë vit me mbështetjen dhe ndihmën e Komunës së Graçanicës në kuadër të programit “Ditët e Graçanicës – Verë argëtuese kulturore 2023”.
