Në ndërtesën e Komunës së Graçanicës u mbajt mbledhja e shtatë e rregullt e Komitetit për Komunitete.
Kryesuesi Aziz Karadollami i njoftoi anëtarët me rendin e ditës, ku pastaj u miratua procesverbali nga mbledhja e gjashtë e rregullt e mbajtur në fillim të qershorit.
Në pikën e dytë u lexua përgjigja e drejtoreshës së Arsimit dhe Kulturës, Brankica Niqiq, e cila i referohej çështjes së transportit të fëmijëve nga komunitetet pakicë nga Radeva, të cilët e ndjekin shkollën në Komunën e Lipjanit.
Ndër të tjera, në përgjigje është theksuar se Komuna e Lipjanit ose Drejtoria e Arsimit e asaj komune, është e detyruar ta sigurojë transportin për nxënësit, vendbanimi i të cilëve është në Komunën e Graçanicës dhe të cilët e ndjekin shkollën në Komunën e Lipjanit. Theksohet se në të njëjtën mënyrë, Komuna e Grçanicës e siguron transportin për nxënësit, vendbanimi i të cilëve është në territorin e Komunës së Lipjanit dhe të cilët e ndjekin shkollën në territorin e Komunës së Graçanicës.
Shtohet se pavarësisht të gjithave dhe në pritje të gjetjes së një zgjidhje të përhershme sistemike nga Ministria e Arsimit dhe Drejtoria e Arsimit në Lipjan, Komuna e Graçanicës ka siguruar transport gjatë dy viteve të fundit shkollore për fëmijët nga komunitetet pakicë nga Radeva, Lepina, Suhadolli, Hashanët dhe Novobërda deri në Lipjan.
Anëtarët e Komitetit për Komunitete nuk diskutuan për gjendjen aktuale në komunitetet e tyre.
Në pikën “Të ndryshme”, kryesuesi Aziz Karadollami e dënoi incidentin në Vidovdan, kur një grup nga komuniteti shqiptar kaloi nëpër qendër të Graçanicës duke mbajtur flamuj shqiptarë me, siç tha ai, me qëllim të shkaktimit të incidentit. U kërkua që përfaqësuesit e Stacionit të policisë së Graçanicës të jenë të pranishëm në mbledhjen e ardhshme.
