Mbledhja e nëntë e rregullt e Kuvendit të Komunës së Graçanicës, të kryesuar nga kryesuesi Millan Dimitrijeviq u mbajt sot në sallën e KK të Graçanicës.
Në fillim të mbledhjes është miratuar procesverbali nga mbledhja e tetë e rregullt e KK të Graçanicës, e mbajtur më datën 26.09.2025, ku pastaj është vazhduar me shqyrtimin e raportit nëntëmujor financiar për vitin 2025. Raporti iu është paraqitur asamblistëve nga drejtori i Drejtorisë së Buxhetit dhe Financave, Sllavisha Niçiq, i cili më pas është miratuar unanimisht.
Para asamblistëve të KK të Graçanicës është gjetur edhe raporti për fillimin e vitit shkollor dhe furnizimin e institucioneve arsimore me materiale ngrohëse, me propozim të drejtoreshës së Drejtorisë së Arsimit dhe Kulturës, Brankica Niqiq. Është theksuar se viti shkollor në territorin e Komunës së Graçanicës ka filluar me kohë dhe se po zhvillohet pa probleme, si dhe se institucionet arsimore janë furnizuar rregullisht me materiale ngrohëse.
Mbledhjes së nëntë të rregullt të Kuvendit të Komunës së Graçanicës i parapriu mbledhja e nëntë e rregullt e Komitetit për Politikë dhe Financa.
Në mbledhjen e nëntë të rregullt të Kuvendit të Komunës së Graçanicës morën pjesë edhe përfaqësuesit e KFOR-it dhe OSBE-së.
