Në sallën e Kuvendit të Komunës së Graçanicës është mbajtur mbledhja e shtatë e rregullt, në të cilën është paraqitur Qarkorja e dytë buxhetore dhe është miratuar Plani i punës për vitin e ardhshëm.
Kryesuesi Millan Dimitrijeviq i njoftoi asamblistët me rendin e ditës paraprakisht të përcaktuar në mbledhjen e shtatë të rregullt të Komitetit për Politikë dhe Financa. Pastaj është miratuar procesverbali nga mbledhja e parë e jashtëzakonshme e mbajtur në fund të korrikut.
Informatat për Qarkoren buxhetore 2026/2 i ofroi drejtori i Buxhetit dhe Financave, Sllavisha Niçiq, i cili theksoi se buxheti për vitin e ardhshëm, për shkak të regjistrimit të fundit të popullsisë, është më i lartë për 2.777.000 euro.
“Një karakteristikë e Qarkores buxhetore është se na është dhënë mundësia për 24 vende të reja pune, nga të cilat 20 për kujdesin shëndetësor parësor dhe 4 për administratën komunale”, tha Niçiq.
U miratua propozim-Vendimi për formimin e grupit të punës prej pesë anëtarësh për hartimin e Planit të punës së Kuvendit të Komunës së Graçanicës për vitin 2026. Nuk pati diskutim për pikën “Të ndryshme”, kështu që mbledhja e shtatë e rregullt e Kuvendit të komunës përfundoi.
