Sot në sallën e Kuvendit të Komunës së Graçanicës në ndërtesën e Komunës është mbajtur mbledhja e tretë e jashtëzakonshme e Kuvendit të komunës.
Asamblistët e Kuvendit të Komunës së Graçanicës së pari e miratuan procesverbalin nga mbledhja e dytë e jashtëzakonshme, e mbajtur më datën 30.08.2024, ku pastaj është shqyrtuar dhe miratuar Propozim-buxheti i Komunës së Graçanicës për periudhën 2025-2027.
Propozimi para asamblistëve është prezantuar nga drejtori i Buxhetit dhe Financave, Sllavisha Niçiq, i cili theksoi se miratimit të propozim-buxhetit i kanë paraprirë 12 debate publike për banorët e Komunës së Graçanicës, të cilët kanë pasur mundësi t’i paraqesin propozimet dhe sugjerimet e tyre lidhur me projektet kapitale. Pas prezantimit, propozim-buxheti u miratua nga asamblistët e KK të Graçanicës.
Në mbledhjen e tretë të jashtëzakonshme të KK të Graçanicës, me shumicë votash, është miratuar propozim-vendimi për dhënien e pëlqimit për lidhjen e Aneksit II të Kontratës nr. 2345/23 të datës 01.06.2023 për ofrimin e shërbimeve nga NKP “Ekologjia” Sh.A. Graçanica, i cili është prezantuar para asamblistëve kryetari i Komisionit të aksionarëve, Sasha Daniq.
Informatat për fillimin e vitit shkollor para asamblistëve janë prezantuar nga drejtoresha e Drejtorisë së Arsimit dhe Kulturës, Brankica Niqiq. Ajo tha se viti shkollor në të gjitha shkollat fillore dhe të mesme ka filluar me kohë sipas planit dhe programit të planifikuar dhe se komuna ka përcaktuar mjete për furnizimin e shkollave me dru zjarri këtë vit, i cili do të fillojë me fillimin e sezonit të ngrohjes.
Mbledhjes së KK të Graçanicës i ka paraprirë mbeldhja e tretë e jashtëzakonshme e Komitetit për Politikë dhe Financa.
