Në sallën e sportit në Llapllasellë u mbajt turneu i karatesë “Trofeu i Graçanicës 2”, i cili mblodhi një numër të madh të garuesve nga rajone të ndryshme. Turneun e ka vizituar drejtoresha e Arsimit në Komunën e Graçanicës, Brankica Niqiq.
Një numër i madh i garuesve nga mbarë Kosova janë mbledhur në turneun e karatesë të organizuar nga Klubi i karatesë “Senshi”. Pjesëmarrësit në turne ishin të moshave të ndryshme, kurse në plan të parë të kësaj gare ishte loja e ndershme dhe shpirti garues.
Në emër të Komunës së Graçanicës, në turne mori pjesë drejtoresha e Arsimit dhe kulturës, Brankica Niqiq.
“Është një nder dhe kënaqësi e madhe për mua që jam sot këtu në emrin tim dhe në emër të Komunës së Graçanicës për t’i përkrahur këta të rinj, të gëzuar dhe të gatshëm për turne dhe që janë e ardhmja jonë, siç ka qenë deri më tani, sepse është diçka që na promovon si komunë, si këtu, ashtu edhe në rajonin më të gjerë”, tha drejtoresha e Arsimit në Komunën e Graçanicës, Brankica Niqiq.
Komunës së Graçanicës i është ndarë një certifikatë mirënjohjeje për mbështetjen e turneut dhe klubit, e cila iu dorëzua drejtoreshës Niqiq.
“Ky është turneu i dytë i Trofeut të Graçanicës dhe 15 vjet nga ekzistenca e klubit. Kemi 71 garues që sot do të performojnë nga e gjithë Kosova. Disa në një, e të tjerë në disa kategori. Ne dëshirojmë që ky jubile të kalojë sa më mirë dhe të gjithë garuesve u urojmë rezultate të mira dhe suksese”, tha Millan Rashiq, para klubit “Senshi”, i cili është edhe organizator kryesor i turneut.
Turneu u organizua me mbështetjen e Zyrës për Kosovë dhe Metohi, Komunës së Graçanicës dhe Organit të Përkohshëm të Komunës së Lipjanit.
