Në sallën e KK të Graçanicës, përfaqësuesit e Rrjetit për Aktivizëm Qytetar prezantuan publikimin e ri “Ti vendos” i krijuar përmes projektit “Graçanica e fortë, vizion, veprim dhe sukses”, i cili financohet nga Komuna e Graçanicës.
Bëhet fjalë për publikimin në të cilin janë paraqitur dhe formësuar mendimet e qytetarëve të mara përmes pyetësorëve dhe bisedave individuale për punën e Komunës së Graçanicës dhe investimet e nevojshme nga këndvështrimi i qytetarëve, si dhe sfidat me të cilat ballafaqohen në vendet e tyre.
Analiza e mendimeve të qytetarëve është bërë në të gjitha vendet e Komunës së Graçanicës dhe në këtë mënyrë janë paraqitur në publikim.
Në përgjithësi, mendimet janë pothuajse njëlloj të ndara për suksesin e investimeve dhe për investimet e pamjaftueshme në vende të caktuara, por nga Rrjeti për Aktivizëm Qytetar thonë se numri më i madh i qytetarëve të anketuar nuk e dinë se cilët shërbim komunal duhet t’i drejtohen dhe në çfarë mënyrë për ta zgjidhur problemin.
Në publikim, duke u bazuar në mendimet e qytetarëve të anketuar, janë përcaktuar sfidat më të mëdha të banorëve të Komunës së Graçanicës, si dhe cilat janë zgjidhjet e çështjes së mbeturinave të minierave, rregullimit të shtretërve të lumenjve dhe ndotjes së lumit në shumicën e vendeve, rrugës anësore në Graçanicë, parkingjeve publike, rindërtimit të parqeve, ndërtimit të strehimores së qenve, gjelbërimit të qendrës së Graçanicës, përmirësimit të sigurisë në komunikacion përmes modernizimit të vendkalimeve për këmbësorë me përdorimin e sinjalistikës, vendosjes së ndriçimit publik aty ku nuk ka.
Publikimi “Ti vendos” do t’i përcillet Kuvendit të Komunës së Graçanicës si dhe shërbimeve kompetente komunale, i cili do të shërbejë si ndihmës në tejkalimin dhe zgjidhjen e propozimeve të qytetarëve.
