Në Shtëpinë e gjuetisë në Llapllasellë për të dytin vit radhazi është mbajtur gara në përgatitjen e gullashit të gjuetisë. Specialiteti më i shijshëm i gjuetisë u përgatit nga anëtarët e Seksionit të gjuetisë nga Gushterica e Poshtme.
Në emër të Komunës së Graçanicës, anëtarë të jurisë ishin drejtori i Administratës, Dragisha Stojanoviq dhe drejtori i Financave, Sllavisha Niçiq, kurse gara ishte organizuar nga Shoqata e gjuetisë së Graçanicës.
Konkuruan pesë gjuetarë që përfaqësonin Seksionet e gjuetisë, të cilët përgatitën zierje gjuetie në po aq kazanë të vendosur përballë Shtëpisë së gjuetisë. Filluan përgatitjet në mesditë, duke gatuar plot katër orë, pas së cilës juria filloi gjykimin.
Pas degustimit u vendos që gullashin më të mirë të gjuetisë e kanë përgatur përfaqësuesit e Seksionit të gjuetisë nga Gushterica e Poshtme.
Fituesit e garës së gatimit të gullashit të gjuetisë morën një shpërblim në formë trofeu, të cilin fituesit ua dhuroi kryetari i Shoqatës së gjuetisë, Novica Tanaskoviq.
Menjëherë pas shpalljes së fituesit, të gjithë të pranishmit patën mundësinë ta shijojnë gullashin e përgatitur të gjuetisë.
Konkursi organizohet në kuadër të programit “Ditët e Graçanicës 2024 – Vera argëtuese dhe kulturore 2024”, i cili zbatohet nga CSD-ja në bashkëpunim me 12 organizata dhe shoqata joqeveritare dhe me rastin e shënimit të Ditës së Komunës së Graçanicës.
