E drejta e privatësisë dhe mbrojtja e të dhënave personale është prioritet kryesor i Komunës së Graçanicës, e cila angazhohet të përpunojë të dhënat personale me përgjegjësi dhe në përputhje me Ligjin Nr. 06/L-082 për Mbrojtjen e të Dhënave Personale dhe në pajtim me legjislacionin evropian për mbrojtjen e të dhënave personale.
Kjo politikë e mbrojtjes së të dhënave personale është e zbatueshme nëse jeni aplikant për punë, palë kontraktuese, merrni pjesë në një trajnim të organizuar nga ne, vizitoni Komunën e Graçanicës – përdorni ndonjë shërbim, paraqisni kërkesë përmes arkivit, email-it apo faqës tonë të internetit.
Përpunues i të dhënave personale është Komuna e Graçanicës.
Adresa – Rr. „Car Lazar“ nr. 151, 10500 Graçanicë
Tel: 038/776-561
Zyrtarja përgjegjëse për mbrojtjen e të dhënave personale është Marija Joksimoviq (Marija Joksimović).
E-mail – marija.joksimovic@rks-gov.net
Në varësi të qëllimeve dhe arsyeve specifike, Komuna e Graçanicës përpunon të gjitha ose disa nga të dhënat personale të specifikuara më poshtë, ndaras ose në kombinim midis tyre:
– Të dhënat e identifikimit: emri, mbiemri, të dhënat e dokumentit të identitetit;
– Të dhënat e kontaktit: adresa, email, numri i telefonit;
– Të dhëna për arsimin, shëndetin, kualifikimin profesional dhe veprimtarinë e punës;
– Të dhëna të tjera të kërkuara sipas ligjeve të veçanta që rregullojnë marrëdhëniet e punës ose marrëdhëniet kontraktuale;
– Informacione të tjera dhe të dhëna personale të nevojshme për përmbushjen e detyrimeve ligjore të qeverisjes lokale;
– Foto dhe video nga konferenca apo ngjarje.
– Përmbushja e detyrimeve ligjore të percaktuara me Ligjin Nr. 06/L-082 për Mbrojtjen e të Dhënave Personale dhe legjislacionit në fuqi të Bashkimit Evropian për mbrojtjen e të dhënave personale.
– Përmbushja e urdhrave të organeve kompetente shtetërore;
– Në procesin e selektimit dhe përzgjedhjes së punonjësve, duke përfshirë kryerjen e trajnimeve të specializuara dhe gjuhësore për rekrutimet te reja;
– Zbatimi i procedurave në fushën e marrëdhënieve juridike-punuese, si dhe organizimi dhe zbatimi i trajnimeve profesionale;
– Lidhja e kontratave dhe marrëdhënieve parakontraktuale;
– Garantimi i sigurisë së punonjësve, vizitorëve, si dhe infrastrukturës së ndërmarrjes, përmes sistemit të mbikëqyrjes video, sigurisë fizike, kontrollit të qasjes dhe regjistrimit të vizitorëve të jashtëm;
– Sigurimi i funksionimit normal, mirëmbajtjes dhe sigurisë së faqes së internetit dhe sistemeve të informacionit dhe komunikimit;
– Përpunimi i kërkesave sipas Ligjit Nr. 06/L-081 për Qasje në Dokumente Publike;
– Ofrimi i shërbimeve komunale;
– Promovimi i aktiviteteve duke përfshirë shpërndarjen e materialeve dhe broshurave reklamuese, postimin e fotove / videove në web faqe, rrjete sociale ose në media tjera.
Komuna e Graçanicës përpunon të dhënat personale të subjekteve në përputhje me Ligjin Nr. 06/L-082 për Mbrojtjen e të Dhënave Personale dhe në pajtim me legjislacionin evropian për mbrojtjen e të dhënave personale.
Në disa raste, të dhënat personale përpunohen vetëm pas pëlqimit paraprak të subjektit të të dhënave. Pëlqimi i dhënë mund të tërhiqet në çdo kohë nga subjekti.
Autoritetet kompetente siç janë ato të sigurisë, gjyqësore dhe mbikëqyrëse, që në bazë të një akti juridik kanë autoritetin të kërkojnë nga Komuna e Graçanicës të dhënat personale për subjektet e caktuara.
Kur të dhënat personale përpunohen nga Komuna e Graçanicës, ju keni të drejtë:
– Të qasjes në të dhënat tuaja dhe në çdo kohë, të kërkoni t’i korrigjoni dhe përditësoni pa vonesë nëse të dhënat tuaja janë të pasakta ose jo të plota;
– Të fshirjes (“e drejta për t’u harruar”) së të dhënave tuaja dhe mund të kërkoni që përpunimi të ndalohet në rrethana të caktuara;
– Të kërkoni që ndonjë nga ndryshimet e mësipërme t’u komunikohet palëve të tjera, të cilave u janë zbuluar të dhënat tuaja;
– Të ankoheni në çdo kohë nëse besoni se të drejtat tuaja për mbrojtjen e të dhënave janë shkelur.
Në përputhje me Ligjin Nr. 06/L-082 për Mbrojtjen e të Dhënave Personale, çdo person fizik që beson se i është shkelur e drejta për mbrojtjen e të dhënave personale, mund të paraqesë ankesë pranë Agjencisë për informim dhe Privatësi me adresë: Rr. Zejnel Salihu – Nr.22, 10000, Prishtinë.
Komuna e Graçanicës zbaton masat e duhura fizike, organizative dhe teknike për të mbrojtur të dhënat tuaja personale në pajtim me dispozitat përkatëse të Ligjit Nr. 06/L-082 për Mbrojtjen e të Dhënave Personale.
Kohëzgjatja e ruajtjes së të dhënave personale varet nga qëllimet e përpunimit për të cilat ato janë mbledhur dhe është e rregulluar me Ligjin përkatës për Arkivat Shtetërore ose me ndonjë ligj tjetër përkatës.
Ne mund të përditësojmë herë pas here politikën tonë të privatësisë dhe do t’ju njoftojmë për çdo ndryshim duke postuar Politikën e re të privatësisë në këtë faqe.
Faqja e internetit mund të përmbajë linqe të ndryshme të faqeve të tjera të internetit, për të cilat ju rekomandojmë të i lexoni politikat e privatësisë të faqeve të tyre.
