Departamenti i Shëndetësisë dhe Mirëqenies Sociale pranë Komunës së Graçanicës, në bashkëpunim me Qendrën diagnostike në Graçanicë, kanë organizuar ditëve të fundit një sërë aktivitetesh me rastin e Ditës Botërore kundër Diabetit, me të cilat do të vazhdohet edhe nesër.
Personeli mjekësor i Qendrës diagnostiko-laboratorike, puna e të cilës është përkrahur nga Komuna e Graçanicës, ndau ditëve të fundit broshurat në mënyrë që të informohet publiku kryesisht për mundësitë e parandalimit primar të kësaj sëmundjeje, si dhe për kompleksitetin e pasojave shëndetësore dhe sociale të saj.
Nesër, para Komunës së Graçanicës do të vendoset punkti ku mjekët dhe personeli mjekësor i Qendrës diagnostike do ta kryejnë falas kontrollën e glikemisë dhe tensionit të gjakut tet të gjithë qytetarët e interesuar.
Aksioni do të zbatohet në periudhën prej 10:00 – 14:00 para Komunës së Graçanicës. Varësisht nga kushtet e motit punkti do të zhvendoset në korridorin e objektit komunal.
Diabetes (diabeti mellitus) është një sëmundje më e zakonshme e gjëndrave endokrine (sëmundja endokrine). Është një sëmundje komplekse që ka të bëjë me një çrregullim të metabolizmit të karbohidrateve, yndyrave dhe proteinave dhe e cila është e njohur me ngritjen e vazhdueshme të sheqerit në gjak (glukozë). Besohet se rreth 150 milionë njerëz në mbarë botën vuajnë nga kjo sëmundje, e cila në shtetet e zhvilluara ekonomike perëndimore paraqet shkakun kryesor të verbërisë, amputimit të pjesshëm të këmbës, ku nga të gjithë personat në dializë një e katërta prej tyre vuajnë nga diabeti.
Nisma për shënimin e Ditës Botërore kundër Diabetit është iniciuar nga Federata Ndërkombëtare e Diabetit dhe Organizata Botërore Shëndetësore në vitin 1991, si përgjigje ndaj rritjes së numrit të njerëzve që vuajnë nga diabeti në mbarë botën. Kjo datë është përzgjedhur në nder të ditëlindjes së Frederik Bantingut, i cili së bashku me Çarls Betsin, e prezantoi idenë që çoi deri te zbulimi i insulinës në tetor të vitit 1921.
Në Asamblenë e Përgjithshme të Kombeve të Bashkuara, më 20 dhjetor 2006, u miratua Rezoluta mbi diabetin, ndërsa Dita Botërore kundër Diabetit është përfshirë në kalendarin zyrtar të OKB-së.
Me rastin e 14 nëntorit, Ditës Botërore kundër Diabetit, Komuna e Graçanicës nesër do të organizojë aksionin e kontrollës falas të glikemisë dhe tensionit të gjakut për të gjithë qytetarët në punktin, i cili do të vendoset para objektit të Komunës së Graçanicës.
