Ambasadori francez në Kosovë, Olivier Guerot, vizitoi sot Komunën e Graçanicës, ku u takua me kryetaren, prof. dr. Ljiljana Shubariq dhe këshilltarin e kryetares, Sasha Daniq.
Tema kryesore e takimit, përveç situatës politike dhe të sigurisë, ishte projekti franko-gjerman për impiantin e trajtimit të ujërave të zeza të Prishtinës dhe komunave fqinje, ku përfshihet edhe Komuna e Graçanicës.
Projekti i impiantit të trajtimit të ujërave të zeza, me vlerë afërsisht 100 milionë euro, mbulon katër komuna, duke e përfshirë edhe Komunën e Graçanicës.
Ambasadori Guerot i informoi zyrtarët komunalë mbi progresin e projektit, duke deklaruar se ka probleme të caktuara me financimin, por se ai beson se kjo do të kapërcehet dhe se fondet do të rriten duke pasur parasysh rëndësinë që projekti do të ketë për të gjitha komunat e përfshira në projekt, dhe për rrjedhojë edhe për Komunën e Graçanicës.
Kryetarja e Komunës së Graçanicës, prof.dr. Ljiljana Shubariq, e informoi ambasadorin francez mbi planet e zhvillimit të Komunës së Graçanicës dhe sfidat me të cilat përballet qeveria lokale, kryesisht kur bëhet fjalë për situatën e brishtë dhe të paqëndrueshme politike që ndikon në jetën e përditshme të qytetarëve.
Ajo e rikujtoi z. Olivier Guerot se, përveç projektit të trajtimit të ujërave të zeza, projektet e bajpasit të Graçanicës janë gjithashtu një përparësi për Komunën e Graçanicës, si dhe zgjidhja e çështjes së ndotësit më të madh mjedisor në Komunën e Graçanicës – mbetjeve minerare – djerrinës. Në këtë drejtim, kryetarja Shubariq dhe këshilltari Daniq kërkuan angazhimin dhe ndihmën e ambasadorit francez për ta filluar zgjidhjen e këtyre çështjeve.
Kjo është një tjetër vizita në një seri vizitash të ambasadorit francez Olivier Guerot në Graçanicë, e cila, sipas bashkëbiseduesit, është një tregues i bashkëpunimit të mirë midis Komunës së Graçanicës dhe Ambasadës franceze, të cilat kanë zbatuar së bashku projekte të shumta në Komunën e Graçanicës.
