Ministria e Bujqësisë, Pylltarisë dhe Zhvillimit Rural edhe këtë vit do të vazhdojë t’i mbështesë fermerët duke ia paguar subvencionet për kulturat bujqësore (grurë, farë gruri, misër, luledielli, perime dhe pemishte).
Subvencionet, në varësi të kulturave të mbjellura bujqësore, sillen prej 150 deri në 400€ për hektarë. Për prodhimin e grurit, misrit dhe lulediellit fermerët do të marrin 150€ për hektarë, farës së grurit 250€, perimeve 300€ dhe për pemishtën 400€ për hektarë.
Të gjithë fermerët e interesuar mund ta shikojnë thirrjen dhe kriteret për ndarjen e subvencioneve këtu.
Aplikimi për ndarjen e subvencione bujqësore do të zgjatë 45 ditë kalendarike prej momentit të shpalljes publike, nga data 25 shkurt deri më 10 prill 2015.
Fermerët mund të aplikojnë në Zyrën komunale për bujqësi, e cila gjendet në katin e dytë të Qendrës tregtare në Graçanicë prej orës 09:00 deri në orën 15:00.
Komuna e Graçanicës në bashkëpunim me Ministrinë e Bujqësisë fton fermerët nga territori i pushtetit lokal që të aplikojnë për subvencione bujqësore.
