Kryetarja e Komunës së Graçanicës, prof. dr. Ljiljana Shubariq dhe bashkëpunëtorët e saj i vizituan sot punimet në asfaltimin e rrugëve në Çagllavicë dhe Graçanicë.
Në kuadër të projektit afatgjatë “Asfaltimi i rrugëve lokale dhe rrugicave në Graçanicë” është vazhduar me asfaltimin e rrugëve në vendbanimet e Komunës së Graçanicës. Në Çagllavicë është vazhduar me asfaltimin e tre rrugëve dhe dy rrugëve në Graçanicë.
Kryetarja e Komunës së Graçanicës, prof. dr. Ljiljana Shubariq, e shoqëruar nga drejtoresha e Drejtorisë Komunale të Urbanizmit dhe Planifikimit Hapësinor, Alleksandra Gjekiq, drejtorit të Drejtorisë së Shërbimeve Publike dhe Situatave Emergjente, Vlladica Trajkoviq dhe këshilltari Sasha Daniq, vizitoi sot punimet dhe bisedoi me banorët për rëndësinë e investimeve komunale.
“Sot në Çagllavicë, së pari vizituam rrugët që i asfaltuam në periudhën e kaluar, si dhe punimet për përgatitjen e asfaltimit të rrugëve të reja. Ky është një tregues se Komuna e Graçanicës po investon si në ndërtimin ashtu edhe në rinovimin e infrastrukturës, veçanërisht infrastrukturës rrugore, në vendbanimet tona. Ne do të vazhdojmë me këtë praktikë edhe në periudhën e ardhshme me qëllim që ta lehtësojmë komunikimin me trafik dhe jetën e përditshme për qytetarët tanë. Vetëm në Çagllavicë, kanë filluar punimet për asfaltimin e tre rrugëve me një gjatësi prej rreth 900 metrash, ndërsa në Graçanicë janë asfaltuar tre rrugë me një gjatësi prej rreth 530 metrash”, tha Alleksandra Gjekiq në Çagllavicë.
Krahas asfaltimit të rrugëve po punohet edhe në ndërtimin e rrjetit të ri të furnizimit me ujë në shumë vendbanime, siç është rasti në Çagllavicë.
“Asfaltimit të kësaj rruge në Çagllavicë i kanë paraprirë, në një bashkëpunim me ekipet e Ujësjellësit, punimet në zëvendësimin e gypave të ujësjellësit dhe rregullimi i rrjetit të kanalizimit. Kjo do të ndodhë edhe në rrugë të tjera në Çagllavicë, ku po përgatiten punimet për asfaltim. Rrjeti i vjetër i ujësjellësit atje është riparuar disa herë, por është përkeqësuar, kështu që do të ndërtojmë një rrjet të ri ujësjellësi me një gjatësi prej 300 metrash”, tha drejtori i Drejtorisë Komunale të Shërbimeve Publike dhe Situatave Emergjente, Vlladica Trajkoviq.
Banorët janë të kënaqur dhe sipas anëtarit të Këshillit lokal, Marko Markoviq, çdo formë e përmirësimit të infrastrukturës rrugore kontribuon në përmirësimin e jetës jo vetëm të banorëve, por edhe të të gjithë atyre që i ngasin makinat e tyre këtu.
“Kjo do të thotë shumë për ne. Tani do të ketë lidhje më të lehta me vendbanimet e tjera dhe sigurisht që është më e lehtë të ngasësh një makinë në këtë rrugë krahasuar me mënyrën se si ishte në të kaluarën”, tha Markoviq.
Bazuar në këtë projekt afatgjatë, punimet do të vazhdojnë në disa vendbanimet e tjera në Komunën e Graçanicës në periudhën e ardhshme.
