Studentët e vitit të tretë të Fakultetit të Shkencave Teknike të Universitetit të Prishtinës nga Mitrovica e Veriut biseduan me kryetarin e Komunës së Graçanicës, Branimir Stojanoviq dhe përfaqësuesit e Departamentit të Urbanizmit dhe Organizatës turistike (OTG) për promovimin e turizmit.
Në sallën e Kuvendit Komunal të Graçanicës arkitektëve të ardhshëm iu është prezantuar detyra konkurruese, e cila, me qëllim të zhvillimit të turizmit, përfshin projektimin e pultit informues dhe të pavionit për ekspozues.
„Info-qendra do t’ju kishte siguruar turistëve, pas mbërritjes në Graçanicë, të gjitha informatat e nevojshme në një vend, si ato turistike, ashtu edhe ato shërbyese, ku në këtë mënyrë do të jepet kontributi për promovimin e përgjithshëm të ofertave dhe vizitat e trashëgimisë kulturore në komunë, por edhe atraksione të tjera në rajon. Përveç kësaj, me qëllim të promovimit të Komunës së Graçanicës dhe arritjeve të saj, si edhe artistëve që krijojnë dhe të cilët duan punën e tyre ta ndajnë me banorët dhe vizitorët, do të ndërtohet pavioni për ekspozues, i cili, siç presim, do të jetë gjithashtu një atraksion“, tha përfaqësuesi i OTG – së, Boban Petroviq.
„Stili, forma dhe materializimi gjatë ndërtimit të objektëve duhet të përshtaten me tërësinë ekzistuese të ambientit, e cila përmes dizajnit dhe simbolikës moderne do të prezantojë trashëgiminë kulturore të komunës“, Mirjana Stojanoviq i tha studentëve.
Kryetari i Komunës së Graçanicës, Branimir Stojanoviq, i tha studentëve se me përpjekjet e përbashkëta Graçanica mund të përfitojë pamjen siç e meriton.
„Për këtë arsye kemi nevojë për rininë dhe kreativitetin tuaj. Graçanica, si një mjedis në jug të lumit Ibër, ka mundësi për t’u bërë një mjedis urban, që një ditë të bëhet një qytet. Ne ju japim mundësinë për të marrë pjesë në të, të na ndihmoni për të parë më mirë se cilat janë mundësitë e reja dhe Graçanica të merr gjithçka që duhet të kishte një qytet i vogël. Ajo që ende duhet të ndërtohet është një muze, bibliotekë“, tha Stojanoviq dhe paralajmëroi ardhjen e përhershme të Teatrit të Prishtinës.
Studentët pastaj i vizituan vendet në të cilat planifikohet ndërtimi i info-pultit dhe pavionit për ekspozues, Manastirin e Graçanicës dhe vendin arkeologjik Ulpiana. Punimi më i mirë do të jetë, sipas përfaqësuesve të Komunës së Graçanicës, do të shpërblehet.
Sipas projektit info-qendra e ardhshme turistike do të jetë e vendosur në kryqëzimin e rrugës „Car Lazar“ dhe „Dejan Ristic“ në qendër të Graçanicës, ndërsa pavioni për ekspozues përgjatë shëtitores ekzistuese përgjatë lumit Graçanka tek urës për këmbësorë.
Komunën e Graçanicës e vizituan rreth njëzet studentë të Fakultetit të Shkencave Teknike me profesorët e tyre, të cilët do të punojnë në projektin e ndërtimit të info-qendrës dhe pavionit për ekspozues me qëllim të zhvillimit të turizmit. Studentët i përshëndeti kryetari Branimir Stojanoviq.
