Sa jeni të kënaqur me funksionimin e Kuvendit Komunal të Graçanicës dhe si e vlerësoni punën e tij deri më tani?
Kuvendi Komunal i Graçanicës është përbërë nga 19 këshilltarë. Ata janë të suksesshëm, njerëz të ndërgjegjshëm dhe të arsimuar të cilët janë të vetëdijshëm për përgjegjësinë që ata mbajnë, të cilët janë të vetëdijshëm për rëndësinë e vendimmarrjes. Unë mund të them se KK i Graçanicës është funksional maksimal. Vetëm në vitin 2015 kemi mbajtur gjithsej 15 takime, ato të jashtëzakonshme, të zakonshme dhe festive. Janë marrë më shumë se 100 vendime kryesisht në mënyrë unanime. Gjatë marrjes së vendimeve ne u kujdesëm për mirëqenien e të gjithë banorëve tanë, pavarësisht nga kombësia, pa marrë parasysh kategorinë ekonomike të cilës i përkasin, ndërsa më shumë vëmendje i është kushtuar të rinjve në kuptim të hapjes së rrugës drejt një zhvillimi të suksesshëm ekonomik të lartë kulturor. Nëse doni të përparoni në çdo sferë, të rinjët duhet të jenë të arsimuar, sepse kjo paraqet bazë për çdo progres. Mjedisin urban në fakt e bëjnë njerëzit urban dhe jo ndërtesat dhe asfalti. Sigurisht që kjo kontribuon në një pamje më të mirë të jetës, por ne patëm parasysh se për një periudhë më të gjatë kohore të sigurojmë të rinjve mundësinë e edukimit dhe arsimit, zgjerimin e vetëdijes dhe zgjerimin e horizontit.
Si e vlerësoni punën e këshilltarëve? Shumica e vendimeve u marrë në mënyrë unanime. Si e arrini këtë kompromis?
Deri në arritjen e një kompromisi vijmë falë „gjerësisë“ dhe fleksibilitetit të secilit këshilltar, por sigurisht edhe falë urtësisë. Siç e dini, mbledhjet e Kuvendit tonë janë shumë të gjata, debatet tona janë nganjëherë shumë të ashpra, por deri në një kompromis arrijmë falë këshilltarëve, por edhe të kryetarit dhe natyrisht të gjithë bordit të drejtorëve, i cili është i vetëdijshëm se vjen para Kuvendit, i cili është zëri i popullit, dhe asnjë nga ata që janë propozues të vendimeve nuk kvijnë të papërgatitur, sepse çdo vendim duhet të jetë i arsyetuar me argumente dhe dokumente dhe duhet të jetë në përputhje me ligjin.
A i mbani konsultimet publike me qytetarët dhe cilat janë problemet, sipas jush, që ata më së shumti i brengosin?
Konsultimet janë të obliguara me ligj dhe i kemi mbajtur gjatë formimit të buxhetit të Komunës së Graçanicës, por edhe gjatë ndryshimit dhe plotësimit të statutit. Atëherë, kur kemi mbajtur konsultime publike me qytetarë, është vërejtur dukshëm se aty ku gjendja është më e rregullt vjen një numër më i vogël i njerëzve. Në fshatrat ku ka më shumë probleme ka edhe më shumë njerëz. Problemet e përbashkëta na brengosin të gjithë neve dhe ato janë: furnizimi me ujë, në disa fshatra nuk ka energji elektrike, përkatësisht kufizimet janë të shpeshta edhe pse faturat paguhen rregullisht, pastaj siguria kryesisht në trafik, por edhe mbrojtja nga krimi, ku njerëzit janë shumë të ndjeshëm. Lufta ka lënë shenja të thella. Të gjitha ngjarjet kanë ndikuar që të gjithë ne të flejmë me një sy hapur, kështu që edhe tërmetet më të vogla dhe paqëndrueshmëria më e vogël në komunën tonë, por edhe në komunat tjera, zgjon tek ne ndjenjën e pasigurisë dhe ndizet drita e kuqe, përkatësisht alarmi. Në këto situata, banorët janë ata që vijnë jo vetëm për konsultime publike, por edhe te këshilltarët, si dhe te autoritetet administrative dhe kryetari i komunës para të cilëve e paraqesin frikën e tyre. Këto janë problemet që na mundojnë të gjithëve. Përveç kësaj, kanalizimi është në gjendje shumë të keqe në tërë territorin e Komunës së Graçanicës dhe të mos flasim për furnizimin me ujë.
A janë të gjitha fshatrat në Komunën e Graçanicës të përfaqësuara dhe në çfarë mase Kuvendi arrin t’i zgjidhë problemet?
Të gjitha fshatrat janë të përfaqësuara përmes përfaqësuesve të tyre në Kuvendin Komunal të Graçanicës, duke filluar nga fshati Batushë, Uglar, Gushterica e Poshtme dhe të Epërme, Dobrotin, Sushicë …. Këshilltarët me shumë ndërgjegje dalin para Kuvendit me propozimet e tyre të paraqitura si pikë „ të ndryshme“, ashtu edhe si pikat e rendit të ditës, lidhur me problemet e qytetarëve dhe natyrisht që kanë kontakte të vazhdueshme me drejtorët të cilët janë përgjegjës për sektorë të veçantë dhe janë në kontakt të përditshëm me ta, në mënyrë që të ndikojnë ose të insistojnë të zgjidhet problemi.
Çfarë do të veçoni si suksesin më të madh të Kuvendit lokal?
Suksesi më i madh i Kuvendit lokal është uniteti të cilin e kemi arritur falë „gjerësisë“ së njerëzve që ulen në Kuvend, „gjerësinsë“ së kryetarit të komunës dhe drejtorëve. Prandaj, mundësia e arritjes së një kompromisi ka çuar deri tek arritja e një uniteti, që më shumë vështirësi arritet tek ne.
Disa nga vendimet më të rëndësishme në vitin 2015 i miratoi Kuvendi lokal, a do të jetë e kështu edhe në vitin 2016?
Çdo vendim është poashtu i rëndësishëm, por ne mund të themi se qasja në disa probleme, që duken të pazgjidhshme janë zgjidhur me ndihmën e kryetarit të komunës dhe kabinetit të tij. Kur bëhet fjalë për disa çështje, disa probleme që janë futur „nën qilim“, atëherë ata me shumë vështirësi zgjidhën dhe korrigjohen në mënyrë të drejtë. Drejtësia është e ngadalshme dhe pa arritshme, sepse një çështje unë dhe ju nuk e shohim nga i njëjti kënd, nën të njëjtën dritë, por le të themi se zgjidhja e çështjes së banesave të uzurpuara është një nga çështjet shumë të rëndësishme që Kuvendi i qasi. Natyrisht, në këtë ne të gjithë së bashku morëm pjesë dhe ende jemi duke zgjidhur këtë problem dhe ne duhet të jemi të vetëdijshëm se jo të gjithë mund të jenë gjithmonë mirë. Thuhet se edhe Perëndia ka dështuar për të përgatitur për të gjithë ëmbëlsirën, kështu që asnjë komunë nuk mund të zgjidhë të gjitha problemet e popullsisë. Ajo që ka qenë shumë e rëndësishme dhe për të cilën kemi arritur unitet dhe mirëkuptim të edhe nga komuniteti ndërkombëtar ishte shënimi i Ditës Komunës.
Ju jeni një grua që është duke punuar në një pozitë shumë të përgjegjshme udhëheqëse në Komunën e Graçanicës. A jeni të kënaqur me përfaqësimin e grave në proceset vendimmarrëse?
Kurrë, në asnjë rast, unë nuk ndjeva paqejfsi që jam femër, sepse me mua punojnë njerëzit që kanë shumë mirëkuptim. Përndryshe, punës nuk i qasi si një grua, por përpiqem që t’i qasi punës sime si një profesioniste dhe që puna nuk pret për mua, por të jem unë ajo që do të pret nëse është e nevojshme. Kështu që diskriminimi në këtë aspekt absolutisht nuk ekziston. Jam shumë krenare për faktin se në Komunën e Graçanicës 90 për qind të grave, sa kam unë dijeni, janë të suksesshme dhe të realizuara si nënë dhe si një person, por edhe si një profesioniste.
Mesazhi festiv?
Siç ia uroj fëmijëve të mi së pari shëndet, ashtu edhe të gjithë qytetarëve tanë ia uroj shëndet dhe pastaj harmoni familjare. Mirëkuptimi e ndërton shtëpinë, kështu që shpresoj se ne në këtë shtëpi, Komunën e Graçanicës, e cila është shtëpia jonë, në nivelin profesional ende do të kemi harmoni.
800×600
Uniteti në momentet kyçe të vendimmarrjes është suksesi më i madh i Kuvendit Komunal të Graçanicës në vitin 2015. E para mes të barabartëve, Brankica Kostiq, me krenari thekson se të gjitha janë arritur falë “gjerësisë” dhe fleksibilitetit të këshilltarëve.
Normal
0
false
false
false
EN-US
X-NONE
X-NONE
MicrosoftInternetExplorer4
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0in 5.4pt 0in 5.4pt;
mso-para-margin:0in;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Calibri”,”sans-serif”;}
